Enfrentámonos a desafíos importantes pa ser a garantizar les condiciones de vida del planeta por cuenta la sobre explotación de los recursos con esquemes d’un modelu clásicu de modernidá afitáu nos principios del colonialismu y el patriarcáu.
Amércia Llatina, beneficiada pola naturaleza con abondantes recursos acobiciaos y esenciales tien la obligación de mirar por ellos pensando nes xeneraciones d’agora y les que tán por venir.
Munches perspectives y estilos vienen matizando procesos diferentes de cambiu qu’echaron a andar en munchos sitios d’esi continente, coincidiendo toes, nes diferencies que les define, n’afitase nos fundamentos de la soberanía y l’autodeterminación.
L’esquema xerárquicu de poder del sistema-mundo ta representáu por un home blancu, eurpéu, militar, patriarcal, capitalista, masculín…Movimientos sociales y Estaos vienen reivindicando la reconfiguración del sistema en beneficiu mutuu ente pueblos y sociedaes nel Sur y el Norte pal Bon Vivir.
Ufiertámosvos dos xornaes de Diálogos pola Descolonización del Territoriu pal intercambiu d’esperiencies y iniciatives a favor d’acciónes colectives que lluchen contra la perpetuidá de les actuales xerarquíes económiques, etno-raciales, de xéneru o culturales qu’entorguen les rellaciones d’igualdá ente’l Norte y el Sur y dientro los sos pueblos, naciones y sociedaes.
Vienres 19:
18.00: Inauguración.
18.30 Conferencia y Diálogu: “Descolonizando’l Territoriu”
Modera:
Javier Orozco– Coordinador del Programa Asturianu de DDHH-Colombia.
Intervien:
– María José Lera– Rellaciones Internacionales del Sindicatu Andaluz de Trabayadores-SAT.
– Eberto Díaz Montes – Presidente de la Federación Sindical Unitaria Agropecuaria – FENSUAGRO-Colombia.
– Representante Vía Campesina Internacional – América Llatina.
Sábadu 20 d’abril:
11.00: – Diálogos Sur-Norte: “ Ecoloxía de saberes: Intercambiu de propuestes populares, llabradores, solidaries”.
Beatriz Viado, periodista, entrevista na mesa debate.
Va entrevistar a representantes de:
– Sindicatu Andaluz de Trabayadores-SAT.
– Vía Campesina Internacional.
– Centru Social Autoxestionáu- La Semiente.
– Asamblea15M El Llano Xixón – Mediuambiente.
– Sindicato Labrego Galego – SLG
