18 años consecutivos a VERIFICAR situación de los DERECHOS.

13 personas en marzo, que también ejercieron el 13 de marzo de Observación Electoral.

En asturiano y en castellano.

“Los diez y siete informes d’otros tantos años d’observación de los drechos humanos que presenta güei la delegación asturiana delantre la XEP

son mui valiosos. Ye información útil, recoyida con métodu durante munchos años. Esos informes, qu’agradecemos xunto col apoyu d’Asturies a la paz y a la XEP,

sedrán revisaos pol nuesu grupu d’análisis pa los fines pertinentes”.

Maxistráu Eduardo Cifuentes,
presidente de la Xurisdicción Especial pa la Paz.
Actu de contribución a la verdá por parte de la XVIII Delegación Asturiana a la XEP.
Bogotá, 14 de marzu del 2022

En asturiano y en castellano.

“Los diez y siete informes d’otros tantos años d’observación de los drechos humanos que presenta güei la delegación asturiana delantre la XEP

son mui valiosos. Ye información útil, recoyida con métodu durante munchos años. Esos informes, qu’agradecemos xunto col apoyu d’Asturies a la paz y a la XEP,

sedrán revisaos pol nuesu grupu d’análisis pa los fines pertinentes”.

Maxistráu Eduardo Cifuentes,
presidente de la Xurisdicción Especial pa la Paz.
Actu de contribución a la verdá por parte de la XVIII Delegación Asturiana a la XEP.
Bogotá, 14 de marzu del 2022

XVIII VISITA ASTURIANA PA PESCUDAR L’ESTÁU DE LOS DERECHOS HUMANOS

EN COLOMBIA

Visita realizada ente’l 3 y el 15 de marzu del 2022

L’asesinatu de miles de persones de la dirixencia social colombiana ye una aición sistemática que pretende eliminar les organizaciones sociales independientes de los centros de poder y paralizar por mieu a les comunidaes marxinaes. Estes persones son persiguíes por impulsar acciones llexítimes de construcción del texíu social necesario pa satisfacer drechos colectivos y necesidaes básiques de les persones. Pol calter de dirixentes sociales, pol altu númberu de víctimes, pola persistencia nel tiempu de les agresiones y pola presencia de los ataques en gran parte de les rexones del país, asina como por otros patrones comunes en miles d’agresiones y pola impunidá que les abelluga, nun son coincidencies, son actos planificaos que constitúin crímenes escontra la humanidá a la lluz del artículu 7 del Estatutu de Roma de la Corte Penal Internacional. Son ataques sistemáticos, non solo persistentes, como los calificó l’informe del añu pasáu de la OACNXD. XVIII Delegación Asturiana de DDHH y Paz.

Semeyes: XVIII Delegación Asturiana

Edita: XVII Delegación Asturiana pa Pescudar l’Estáu de los Drechos Humanos en Colombia, col apoyu del Conceyu Llangréu +GUE/NGL + ProtectDefenders.eu + CMPA

Traduz: Xosé Firmu García Cosío

Imprime: Gráfiques Ápel

La XVIII Delegación Asturiana pa Pescudar l’Estáu de los Drechos Humanos en Co- lombia tevo integrada por:

1. ANTÓN GÓMEZ-REINO VARELA. Diputáu nel Congresu Diputaes/os por A Coruña. Grupu Confederal d’Unidas Podemos / En Comú Podem / En Marea. Vicepresidente Primeru de la Comisión d’Asuntos Esteriores.
2. RAFAEL ABELARDO PALACIOS GARCÍA. Diputáu y voceru del Grupu Políticu Podemos na Xunta Xeneral del Principáu d’Asturies.
3. ESTHER MIRANDA ZAPATA. Asistente nel Congresu de Diputaes/os del diputáu Antón Gómez-Reino.
4. EVELIA OLGA MUÑIZ MENÉNDEZ. Comisiones Obreres, CCOO Asturies.
5. LUCÍA NOSTI SIERRA. Coordinadora d’ONGD d’Asturies.
6. LUCÍA GARCÍA JIMÉNEZ. Asamblea Moza d’Asturies, AMA.
7. SOFÍA MURIAS VARELA. Movimientu Asturianu pola Paz, MASPAZ.
8. MARIÁN FERNÁNDEZ MARTÍN. Rede d’Acoyida de Refuxaos de Leganés (Madrid).
9. MAYÚS RAMOS ÁLVAREZ. Coordinadora d’ONGD d’Asturies.
10. SUSANA CLAVIJO NÚÑEZ. Inxeniería Ensin Fronteres.
11. CARLOS MEANA SUÁREZ. Soldepaz Pachakuti.
12. JAVIER ARJONA MUÑOZ. Soldepaz Pachakuti.
13. JAVIER OROZCO PEÑARANDA. Director del Programa Asturianu d’Atención a Víctimes de la Violencia en Colombia. Coordinador Técnicu de la Delegación Asturiana.

TERRITORIOS PERCORRÍOS

Chocó, Baxu Atrato: comunidá Jagual del puelu indíxena embera dóbida del ríu Chintadó.

Antioquia: Urabá, Comunidá de Paz de San José de Apartadó. Córdoba: Tierralta y Montería.

Sucre: Sincelejo, Ovejas – finca La Europa, comunidaes de San Onofre y Montes de María.

Norte de Santander, rexón del Catatumbo: Tibú y territorios del puelu indíxena barí. En Cúcuta la Universidá Francisco de Paula Santander.

Arauca: les ciudaes d’Arauca y Saravena.

Caquetá: Florencia.

Cauca: la Bota Caucana, Piamonte y Villagarzón, Putumayo.

¿Qué pasa en Colombia y por qué ye importante ir a constatarlo?

Como integrante de la Misión d’Observación Electo- ral (MOE) organizada pol Programa Asturianu d’Atención a Víctimes de la Violencia en Colombia (PAV) tuvi la oportunidá de participar en diversos alcuentros con insti- tuciones como la embaxada española en Colombia, orga- nismos internacionales como la Misión de Verificación de les Naciones Xuníes en Colombia, y organismos derivaos de los Alcuerdos de Paz como la Xurisdicción Especial pa la Paz. Tamién pudi reunime con candidatos a les cáma- res llexislatives y con representantes d’organizaciones de la sociedá civil colombiana o procesos organizativos como’l Movimientu Nacional de Víctimes de Crímenes d’Estáu (Movice). Esta variedá de testimonios y actores, cola parti- cular cercanía que promueve la presencialidá, ye dalgo que namás una Misión d’Observación pue llograr y que mos permitió constatar en primer persona la fonda complexidá de la realidá colombiana y del so procesu electoral. Dos conclusiones fundamentales:

1.  El recrudecimientu de la violencia amenaza la execu- ción de los Alcuerdos de Paz

Colombia sufre dende hai años un recrudecimientu de la violencia –estructural– que paeció poner un importan- te puntu y aparte colos Alcuerdos de L’Habana nel 2016, pero que tán alcontrando numberosos pilancos pal estable- cimientu de la xusticia y la paz. A les cifres alarmantes de persecución y asesinatos a ex-guerrilleros añádense los tes- timonios sobre l’aumentu del control territorial de nuevos grupos armaos non estatales y grupos criminales, con efec- tos devastadores pa les comunidaes llabradores y étniques, particularmente les muyeres, con casos d’esllarigamientos y allistamientos forzosos, violencia sexual, confinamientos, esmembramientu de cuerpos y masacres. A ello súmense los asesinatos de defensores de los drechos humanos, con más del 50% d’asesinatos de persones defensores del mun-

diu rexistraes nel 2020 ocurriendo en Colombia (Front Line Defenders). Dalgunos d’ellos incluso profirieron ame- naces escontra diversos candidatos y candidates llexislatives y presidenciales, como Francia Marquez, candidata a la Vi- cepresidencia pol Pautu Hestóricu. Dalgunos victimarios, incluso, terminaron ocupando un escañu como represen- tantes pola circunscripción de paz.

Teniendo en cuenta que se va cumplir el primer terciu del periodu total d’execución de los Alcuerdos de Paz y que les bases pa la transición hacia’l postconflictu danse nos pri- meros años, ye necesario reconocer los avances llograos pero tamién que’l ritmu de desarrollu ye tovía mui lentu y que queda munchu trabayu pa llograr superar les causes estruc- turales del conflictu. Necesítense mayores avances –y recur- sos– en custiones esenciales, como la Reforma Rural Integral y sustitución voluntaria de cultivos d’usu ilícitu, la Xusticia Transicional, la participación política o l’esmantelamientu de les organizaciones socesores del paramilitarismu, al tiem- pu que se refuercen los ritmos d’execución de los enfoques de xéneru y étnicu. Por too ello, ye indispensable siguir mo- nitorizando la situación y apoyando misiones d’observación de los drechos humanos como esta.

2.  La complexidá y les irregularidaes constataes del pro- cesu electoral emplácenmos a reforzar l’atención in- ternacional el próximu 29 de mayu

Esti añu Colombia enfréntase a un ciclu electoral nel que los resultaos de les elecciones del 13 de marzu conduxeron a una configuración diferente del poder llexislativu y nel que tanto los sondeos como l’humor políticu y social colombianu apunten a un potencial cambéu de rumbu institucional.

Tres cuatro años de gobiernu d’Iván Duque pue dicise que Colombia traviesa tamién una fonda crisis política, eco- nómica y social qu’agravó los niveles de violencia y desigual- dá de manera alarmante, al tiempu que la crisis derivada de la Covid-19 golpió duramente a ún de los países con mayor inequidá d’ingresos ya informalidá nel mercáu llaboral de Llatinoamérica. Como punta de llanza de la so xestión, un

intentu de reforma tributaria del gobiernu qu’alcontró la oposición de sectores amplios de la población, movilizao nel marcu d’un Paru Nacional que duró meses y que foi reprimíu duramente. Too ello llevó al Centru Democráticu a míni- mos de popularidá, con altísi- mos niveles de desaprobación hacia Duque y de desafección xeneralizada.

Ye nesti contestu nel que se dieron les elecciones llexis- latives del pasáu 13 de mar- zu, nel que’l Pautu Hestórico algamó resultaos inéditos nes cámares – asitiándose como una de les primeres fuercies en dambes– y na consulta presi- dencial, siendo Gustavo Petro’l candidatu a la presidencia más votáu, con cuasi cuatro millo- nes y mediu de votos, y Francia Marquez, candidata a la vice-

presidencia, la tercer política más votada, con 757.000 vo- tos. El día de la xornada electoral pudimos constatar la fonda complexidá del procesu electoral, les dificultaes pal exerciciu plenu y con garantíes del drechu al votu, y les irregularidaes posteriores en rellación col robu d’una escomanada cantidá de votos a la candidatura del Pautu Hestóricu, que posterior- mente recuperó varios escaños.

Si, como indiquen los sondeos, Gustavo Petro y Fran- cia Márquez se consoliden como los principales rivales a superar nes próximes elecciones presidenciales, y con ellos s’abre la oportunidá de que la esquierda tresformadora lle- gue por primer vegada al gobiernu de la República, ye evi-

dente que’l 29 de mayu –y posiblemente’l 19 de xunu– se- drán díes determinantes, y que la comunidá internacional deberá volcar la so atención pa contribuyir a que’l procesu se desarrolle con toles garantíes democrátiques, especial- mente nos territorios rurales, onde yá pudimos constatar les numberoses vulneraciones de los drechos humanos y les dificultaes pal exerciciu efectivu del drechu al votu. Por too ello ye más importante si cabe garantizar la presencia y la continuidá de les Misiones d’Observación Electoral.

Antón Gómez-Reino Varela Diputáu d’Unidas Podemos / En Comú Podem / Galicia en común Vicepresidente de la Comisión d’Asuntos Esteriores

Colombia, graves vulneraciones de los drechos humanos

La grave situación de vulneración de los drechos humanos en Colombia certificáronla diferentes or- ganismos internacionales, ente ellos Amnistía Inter- nacional, que denunció nel so informe de 2021/2022 l’aumentu de crímenes rellacionaos col conflictu armáu, l’esllarigamientu forciáu de, polo menos 100.000 perso- nes, y les detenciones arbitraries y tortures de la policía nel marcu del Paru Nacional. Esi informe alerta de que “los homicidios de defensores de los drechos humanos y les amenaces dirixíes escontra estes persones algamaron niveles alarmantes”.

Ye fundamental considerar la situación de les persones colombianes exiliaes por motivos de persecución política. Según l’Axencia de les Naciones Xuníes pa los Refuxaos (ACNUR) ente los años 2000 y 2012 cerca de 400.000 colombianos y colombianes viéronse forciaos a fuxir del so país, pero les autoridaes del país namás reconocen, de momentu, a 50.000 víctimes d’esi delitu.

Nel casu de les persones colombianes que soliciten asilu nel Estáu español, ha destacase’l significativu incre- mentu de les peticiones a raíz de la firma de los alcuerdos de paz. De 97 solicitúes d’asilu nel 2014 pasó a 29.363 nel 2019. Nel 2021 mantiénse’l númberu altu de peticiones, con 19.836. Pero esti incrementu nun alteró de manera significativa la secular política de refugu masivu por parte de los socesivos gobiernos españoles: solo nel 2021 dene- gáronse 18.614 solicitúes, el 93,8% del total, un porcenta- xe asemeyáu al d’años anteriores. El gobiernu español ar- gumenta na mayoría de los refugos que Colombia tien un sistema de protección, asistencia y reparación integral de les víctimes suficiente, colo que nun s’acreditaría un temor fundáu de persecución.

El casu ye que, según un informe de la Xurisdicción Especial pa la Paz, polo menos 276 ex-combatientes de la guerrilla que s’acoyeron al programa de reinserción na

vida civil y cuasi 1.000 cabezaleros sociales fueron asesi- naos dende 2016. La campaña Defender la Llibertá, na que participaron varies ONG, denunció que 3.275 per- sones fueron deteníes arbitrariamente nes manifestacio- nes que tuvieron llugar ente’l 28 d’abril y el 30 de xunu, constatando, amás, situaciones de tortura, vexaciones y desapaiciones forciaes nel marcu del Paru Nacional. Do- cuméntense, igualmente, ataques constantes a los drechos de los puelos indíxenes, y tamién violencia por motivos de xéneru, drechos sexuales y reproductivos. Habida cuenta d’esta situación, resulta imprescindible que la comunidá internacional asuma les sos responsabilidaes, tanto na ve- rificación y observación de los procesos electorales, como na protección y cobertura de toles persones susceptibles de sufrir violencia política.

Non solo los gobiernos deben implicase nesti come- tíu, sinón que la presencia de representantes políticos, sindicales y del texíu asociativo en Colombia contribúi de manera decisiva a reforzar les redes de monitorización, me- canismos de denuncia y estructures de protección de los drechos humanos.

Espresamos el firme compromisu de Podemos Asturies col Programa Asturianu d’Atención a Víctimes d’Ataques a los Drechos Humanos en Colombia, que nos sos más de 20 años d’esistencia dio protección a más de 120 persones persiguíes y amenazaes de muerte en Colombia pola so defensa de los dre- chos humanos, y la voluntá de siguir apoyando y participando nes misiones de la Delegación Asturiana pa Pescudar l’Estáu de los Drechos Humanos en Colombia, que realizó visites al país de manera ininterrumpida dende l’añu 2005.

P’acabu, quiero recordar a Luciano Romero Molina y a Henry Ramírez Daza, que tuvieron acoyíos n’Asturies dientro del programa y que fueron asesinaos vilmente al so regresu a Colombia.

Rafael Abelardo Palacios García

Voceru del Grupu Parllamentariu Podemos Asturies

na Xunta Xeneral y componente del Grupu Interparllamentariu pola Paz en Colombia

Estáu de los alcuerdos y del procesu de paz coles FARC

En payares del 2016 l’Estáu colombianu firmó coles FARC-EP l’Alcuerdu de Paz. Dende l’empiezu del so gobiernu’l presidente IVÁN DUQUE mostróse críticu y poco dispuestu a cumplilu.

A los cinco años de la firma hai avances, como la desmovilización de les FARC, la creación del partíu políticu Comunes, la creación de 16 circunscripciones especiales na Cámara de Representantes pa les víctimes del conflictu armáu internu, la creación de la Xurisdicción Especial de Paz y de la Comisión de la Verdá.

Con too y con eso, siguen les agresiones escontra les persones que firmaron la paz y escontra les sos families. Nel 2021 fueron asesinaes 48 persones que firmaron la paz, de les que cuatro yeren muyeres. Estos crímenes asocedieron en 39 conceyos de 15 departamentos. En total asesinaron a 305 persones firmantes del Alcuerdu de Paz nos últimos cinco años.

Los ataques nun se respuenden dende’l gobiernu con midíes de protección efectives, nin la fiscalía muestra dili- xencia n’esclariar estos crímenes.

La Corte Constitucional decretó como ‘estáu de coses inconstitucional’ y atentariu a los drechos fundamenta- les d’estes persones a les que se-yos tán atacando drechos como’l drechu “a la vida, a la integridá personal y a la paz”, reclamaos polos firmantes peles víes xudiciales énte la des- idia del gobiernu y de la Unidá Nacional de Protección.

Pal senador ya integrante del partíu Comunes y firmante de la paz Rodrigo Granda: “Ye lo que venimos diciendo de tiempu atrás, qu’equí hai una simulación de cumplimientu del alcuerdu de paz, que nun tenemos plenes garantíes nin pal exerciciu de la política, nin pa una reincorporación nun sentíu menos traumáticu”.1

Les elecciones nes Circunscripciones Especiales Transitories de Paz, CETREP, contemplaes nel alcuerdu, tu- vieron marcaes pol desconocimientu de les víctimes, la usurpación por candidatos de los partíos tradicionales de los escaños de les víctimes y pol control armáu sobre los votantes en munches zones rurales del país.

Nun hebo seguridá pa les candidatures de les víctimes nin de los sos votantes. Les aportaciones del gobiernu pa la campaña política nun llegaron a tiempu. Les candidatures auténtiques de les víctimes quedaron en franca desventaya frente a los candidatos de los partíos tradicionales bien fi- nanciaos, como la del fíu de ‘Jorge 40’ nel Cesar, que revictimiza a millones de persones.

Les llibertaes polítiques neses rexones tán en manes de paramilitares, insurrecciones y bandes qu’exercen con- trol social y políticu, anque, n’otra prueba más de valor, la población llogró espresase electoralmente abondo como pa insistir nes demandes de paz, llibertaes, respetu polos drechos humanos ya inversión del Estáu.

Les anomalíes graves na convocatoria a responsabilidaes de paz fueron continues en Chocó, Córdoba y Sucre, y a la vista de los resultaos del domingu, certeres. Hebo amenaces de muerte y apropiación de candidatos por vic- timarios y partíos tradicionales. Les autoridaes del puelu indíxena zenú de Flor del Monte declaráronlos oxetivu militar por avalar una candidatura.

Les víctimes nun conocen les CETREP, faltó peda- goxía. CARMEN GARCÍA, presidenta de Madres del Catatumbo, tevo qu’arrenunciar a ser candidata porque la amenazaron de muerte si siguía faciendo campaña política. “El procesu electoral que s’adelanta nel nuesu país en medio d’una polarización alta nel nuesu territoriu viose

afectáu por aiciones tales como: prohibición en dalgunes zones rurales de proselitismu políticu a candidatos alternativos al partíu de gobiernu, amenaces a cabezaleros políti- cos (militantes del Pautu Hestóricu), torgues pa exercer el drechu al votu’l de 29 de mayu, el vetu a reuniones d’organizaciones sociales y defensores de Drechos Humanos”.

La Xusticia Especial pa la Paz, XEP

La XEP convirtióse pa les víctimes nuna esperanza d’algamar los drechos a la verdá, la xusticia, la reparación y la non repetición. Asturies apoyó a la XEP énte los actos hostiles del gobiernu pa desmontala o para- lizala y entregó a traviés de la XVIII Delegación, el 14 de marzu d’esti añu, los 17 infor- mes d’otres tantes visites a les zones en con- flictu social y armáu, como una contribución a la busca de la verdá na que tán les 328.071 víctimes acreditaes, qu’esperen de les 13.200 persones comparecientes, ente civiles, milita- res, ex-guerrilleros y paramilitares, que cun- ten la verdá de los delitos cometíos nel marcu

del conflictu armáu internu.

                                              

007 sobre allistamientu y usu de neños y neñes nel con- flictu armáu”.3

Mui importantes son los avances nos casos de “toma

de rehenes y graves privaciones de la llibertá (macrocasu 001) y sobre muertes illexítimamente presentaes como ba- xes en combate por axentes del Estáu o “falsos positivos” (macrocasu 003), y tamién la priorización del macrocasu

Son esperanzadores los anuncios de que van abrise casos nuevos sobre otros delitos, como l’esllarigamientu forciáu, la desapaición forciada de persones, la violencia se-xual y los ataques escontra puelos indíxenes y comunidaes negres en dalgunos territorios.

2 “Los Montes de María. Incertidumbre, miedo, amenazas y sometimiento…” Comunicáu del Conseyu Territorial de Paz de los Montes de María, marzu del 2022.

3 Situación de los drechos humanos en Colombia. Informe de l’Alta Comisionada de les Naciones Xuníes pa los Drechos Humanos, fe- breru del 2022 páx. 12.

                                                                                  

Unidá de Busca de Persones daes por Desapaecíes

La UBPD sigue reportando avances na busca de persones desapaecíes a pesar de les dificultaes que tien p’acceder a información institucional.

Les estratexes de la UBPD en 35 rexones na busca de 31.061 persones desapaecíes, qu’inclúi la collaboración na busca por parte de les organizaciones sociales, llograron recuperar 358 cuerpos y avanzar nel Rexistru Nacional de Fuexes, Cementerios Illegales y Sepultures cola información de 4.373 sitios de disposición de cuerpos

Nel territoriu del puelu indíxena barí, según les denuncies que recibió la delegación asturiana, hai varies fuexes comunes que nun se rexistraron.

La desapaición forciada de persones sigue. “Denunciamos la desapaición forciada de RODOLFO GALVIS, en setiembre del 2021. Ye presidente de la cooperativa Pebidales de Paz y ye un cabezaleru de la restitución de les tierres baxes de Tibú. Taba enfrentáu con una empresa palmera. La UNP asignóy un sistema mui precariu de seguridá, qu’él devolvió”.

                                                                                      

Comisión de la Verdá

La Comisión de la Verdá prepara’l so informe final. Ye’l trabayu de trés años en 25 espacios de reconoci-

mientu y nos que s’escuchó a 27.290 persones. Un esfuer-ciu importante nel camín de la non repetición, a pesar de les trabes, les descalificaciones y les dificultaes p’acceder a información institucional.

El Programa Asturianu d’Atención a Víctimes de la Violencia en Colombia entregó –nun actu especial na XEP, el 14 de marzu del 2022– los archivos de 21 años del exiliu colombianu n’Asturies. Son publicaciones como la revista Woumain–Nuestra Tierra, artículos, denuncies, testimonios y memories qu’ilustren la realidá de les persones que tuvie-ron que salir del país pa salvar la vida.

La Comisión de la Verdá va formular recomendacio- nes que debieren promover cambios institucionales a los que-yos va faer siguimientu una comisión.

conceptu del Ministeriu de Defensa que tien de certificar condiciones de seguridá d’una rexón como requisitu previu a les aiciones de titulación o de restitución de tierres en beneficiu del campesináu, requisitu que nun contemplen p’autorizar les esploraciones y esplotaciones de les multina- cionales mineres.

Nun avanza la incorporación de faciendes al Fondu de Tierres pal repartu ente les families llabradores que nun lo poseen, y los baxos resultaos nel saniamientu y ampliación de los territorios ancestrales de los puelos indíxenes y los territorios colectivos de les comunidaes negres.

Según la Procuraduría Xeneral, nel casu de les co-munidaes negres, de 329 solicitúes de titulación colecti- va emitiéronse 21 y, nel casu de puelos indíxenes, de 680 demandes de constitución, ampliación y saniamientu de resguardos avanzóse en 50 procesos.

Los Programes de Desarrollu con Enfoque Territorial,

Reforma Rural Integral

PDET, namás tán enriba’l papel nel casu de les rexones nes llamaes fueyes de ruta de los conceyos, ensin que tean aseguraos los enfoques étnicos y de xéneru, nin la participa-ción de les organizaciones llabriegues, indíxenes y negres.

Ún de los problemes estructurales de Colombia ye l’alta concentración de la propiedá de la tierra en manes de los llatifundistes, y la falta de títulos de propiedá de les tierres ermes ocupaes dende hai décades por families llabra- dores, lo que les fai vulnerables al desaposiu con violencia y los esclúi de programes d’apoyu.

Esta situación xenera violencia y atrasu social y eco- nómicu. La mayoría de los conflictos –incluyíu l’armáu– tienen el so orixe nel acaparamientu violentu de les tierres y nun alcuentren solución pola ausencia de programes de reforma agraria, de xurisdicción agraria y d’apoyu a la economía llabriega que, a pesar de la so marxinalidá y desprotección, ye la fonte de la seguridá alimentaria del país.

La titulación en propiedá de les tierres ocupaes por families llabradores y la protección del mediu ambiente

El Programa Nacional Integral de Sustitución de Cultivos d’Usu Ilícitu, PNIS, fracasó hasta la fecha, porque’l gobiernu engañó a miles de families llabradores que de- sañiciaron de manera voluntaria los cultivos de coca, pero nun recibieron los recursos pa los proyectos productivos de llargu plazu que debíen reemplazalo.

Hai un crecimientu del área semao en cultivos d’usu ilícitu y un recrudecimientu de la corrupción y de les vio- lencies asociaes.

Na zona del Catatumbo, nes collaciones La Pista, quilómetru 15, Río de Oro, Brisas de la Frontera, hai pro- blemes ente l’exércitu y los llabradores. “Nun defendemos la coca, sinón el drechu a comer y si vienen a desañiciala ensin trayer soluciones de proyectos productivos habrá más

                                                           Comunidaes y autoridades indíxenes y negres en Riosucio.              

problemes y hasta muertos, porque tamos dispuestos a fa- cemos matar si ye menester.”5

de proceder a la restitución material de les tierres usurpaes con violencia a los sos llexítimos propietarios llabradores.

La prórroga nel 2021 de la vixencia de la Llei de Víctimes.

Restitución de tierres

El drechu a la restitución de les tierres desaposiaes nun ye efectivu en rexones amplies del país nes que’l poder de los usurpadores y la falta de voluntá del gobiernu mantié- nenla inoperativu, como son los territorios del Catatumbo, Baxu Cauca y Sur de Bolívar, Nariño, Chocó y rexones del Suroriente.

N’otres zones como la d’Urabá, la fuercia pública si- gue ñegándose a escoltar les comisiones de funcionariáu encargao de cumplir les órdenes de xueces de la República

Les cifres de resultaos al 10 d’avientu del 2021, espubli- zaes pola ONX, falen de qu’hai 6.528 sentencies xudiciales de restitución de tierres y 21 pa puelos étnicos que sumen cerca de 3.848.000 díes de gües (481.000 hectárees) restitu- yíes, beneficiando a 17.229 muyeres y 17.186 homes.

Preocupen les cifres altes d’agresiones que revictimi- cen a les persones qu’esixen la restitución de les sos tierres. Hasta’l 2021 hai rexistros de qu ‘asesinaron polo menos a 51 persones reclamantes.

Tamién fueron víctimes d’asesinatu cuatro persones d’una comisión desplegada pola URT nuna zona rural del

departamentu del Meta ente los conceyos de Mesetas y Uri- be, compuesta por una funcionaria, dos hermanes reclaman- tes y el conductor, que desapaecieron dende’l 27 de mayu del 2021. Los sos cuerpos alcontráronse nuna fuexa común.6 Les comunidaes nes zones nes que nun opera la URT

y n’otres nes qu’hai conflictu armáu, temen que les desapo- sien de les sos tierres.

Capítulu étnicu y de xéneru

El primer informe de siguimientu, impulsu y verifica- ción a la execución del capítulu étnicu del Alcuerdu Final pa l’Acabación del Conflictu y la Construcción d’una Paz Estable y Duradera amuesa resultaos baxos pola falta de vo- luntá del gobiernu pa cumplir los compromisos adquiríos.7 Na negociación del capítulu étnicu del Alcuerdu de

Paz participaron les organizaciones indíxenes y de muyeres. Les partes alcordaron unes salvaguardes que ta incumplien- do l’Estáu-gobiernu colombianu: respetar el calter principal y non subsidiariu de la consulta y el consentimientu previu, llibre ya informáu de planes y proyectos d’inversión en territorios indíxenes y negros; l’incorporar l’enfoque tresversal étnicu, de xéneru, muyer, familia y xeneración; el respetu de la oxeción cultural como garantía de non re- petición, y el compromisu de que la implementación del alcuerdu en nengún casu afectaría drechos de los puelos indíxenes y de les comunidaes negres.

Tampoco se ta respetando’l compromisu d’aplicar per quince años dende la firma del alcuerdu, l’enfoque de xé- neru de manera tresversal pa eliminar les desigualdaes eco- nómiques, sociales y polítiques.

• https://www.elespectador.com/colombia-20/conflicto/unidad-de- restitucion-de-tierras-confirma-asesinato-de-comision-desaparecida- en-meta/
• https://drive.google.com/file/d/1wwh-yqVzd3mHwJa3hMU97qlI- vwVBwLYY/view

Situación col ELN

El gobiernu d’IVÁN DUQUE abandonó la mesa de diálogos de L’Habana col ELN y escaló la confrontación con esta insurxencia en tol país. A pocos meses del cambéu del gobiernu en Colombia nun se ve interés nes partes por reanudar conversaciones.

Pola importancia que tien la busca llexítima d’algamar la paz, dende Asturies convocóse a un alcuentru nel que quedaren clares les postures de les partes, polo que s’invitó a la embaxada de Colombia n’España a presentar los sos puntos de vista y al ELN a faer lo mesmo.

El gobiernu colombianu nun compareció. L’ELN mandó’l siguiente documentu:

“Saludu d’Aureliano Carbonell, de la Delegación de Diálogos del Exércitu de Lliberación Nacional (ELN) al Alcuentru Internacional de Sensibilización pola paz y los Drechos Humanos en Colombia, realizáu esti 5 y 6 de pa- yares n’Asturies, España.

L’ELN sigue firmemente comprometíu cola llucha pol diálogu, la busca de la paz y los cambeos en Colombia, esto reiterámoslo ensin la menor ambigüedá; en febreru del 2017 na ciudá de Quito, Ecuador, instalemos una mesa de conversaciones col gobiernu colombianu, presidíu nesi momentu por Juan Manuel Santos, que s’interrumpió y canceló definitivamente por Iván Duque dende’l 7 d’agostu del 2018.

Nel procesu de diálogos y paz que s’entamó en Quito había una axenda, un diseñu de cómo se desarrollaría’l procesu, llogróse un cese billateral del fueu de 101 díes y hebo una primer espresión d’organizaciones de la sociedá, que plantegaron de qué manera deberíen participar nun procesu de conversaciones de paz y de solución política.

Incumplimientu del alcuerdu de paz. En payares del 2016 firmóse un alcuerdu de paz coles FARC; cinco años dempués nun cumplieron aspectos esenciales, nun hai adelantu nin escomienzu al respeutive de les reformes que pautaron; l’alcuerdu quedó reducíu a la mera reinserción y tovía nel aspeutu de la reinserción hai serios incumpli-mientos, dificultaes y problemes.

Cinco años dempués de la firma del alcuerdu les des- igualdaes y la situación social del país son más crítiques, ta- mién la violencia dende ‘los d’arriba’, les clases dominantes y l’Estáu ye dramática por demás. Voi da-yos unos datos qu’indiquen tal realidá: dempués de la firma del Alcuerdu de Paz asesinaron a 1.258 líderes sociales hasta’l pasáu 25 d’ochobre y cuasi 300 ex-combatientes firmantes del al- cuerdu.

Tratu de guerra a la protesta social. Nel tratamientu de la movilización, de la protesta social como espresión llexíti- ma de la ciudadanía hai tamién unos datos aterradores; nel estallíu social ocurríu en Colombia a partir del 28 d’abril, que s’estendió hasta mayu y xunu, perpetráronse 87 ase- sinatos, especialmente manifestantes na so gran mayoría causaos poles Fuercies Armaes (FF. AA.) y tamién a manes del paramilitarismu urbanu, qu’usaron armes de fueu escontra la xente que protestaba, tal como ta constatao en centenares de videos que circularon nesi momentu pel país y el mundiu enteru.

El 9 y 10 de setiembre del añu anterior na protesta masiva qu’estalló pol asesinatu d’un abogáu a manes de la policía les FF. AA. asesinaron a 13 manifestantes: 10 en Bogotá y 3 en Soacha, conceyu contiguu a la capital.

Como se ve, cinco años dempués de firmaos esos Al- cuerdos de Paz la situación del país sigue siendo igual o peor en cuantes a los componentes sociales, de soberanía, democracia, inxusticia social y violencia de los que deten- ten el poder políticu y económicu, desafortunadamente esta ye la realidá.

Nuevu modelu de negociación. Nesti marcu de rea- lidaes, que son les propies de la llucha de clases y de les lluches de los puelos, l’ELN plantega qu’hai que persistir y siguir lluchando por desarrollar procesos de diálogu y solución política, caminos de paz y de cambeos, que ye

la esencia del nuesu ser; al empar plantegamos qu’hai que construyir un nuevu modelu de negociación, de solución política y de paz; nesa construcción y puesta en práctica tienen de participar les distintes fuercies populares, el movimientu social, les distintes fuercies d’esquierda y la sociedá entera, esi ye’l nuesu criteriu y la nuesa disposición.

Pa esi modelu nuevu que ta en construcción l’ELN aporta unos elementos; mencióno-yos brevemente dellos:

1. La participación de la sociedá nel procesu ye un elementu vital, ye’l primer puntu de l’axenda que alcor- demos col gobiernu en marzu del 2016 cuando s’entamó’l procesu.
   1. La billateralidá como criteriu nel procesu.
   2. La simultaneidá nel cumplimientu de los alcuerdos.
   3. Alcuerdu que se llogra alcuerdu que s’executa, sobre manera no referente a cuestiones humanitaries.

Estes son dalgunes de les aportaciones del ELN y d’otres voces; esti modelu nuevu ta en construcción, apó- yase nes esperiencies hestóriques y en propósitos de futuru pa Colombia, de manera tala que los resultaos en próximos procesos sían más promisorios y positivos pa les mayoríes y pal país. Munches gracies”.8

Los drechos humanos nel 2021

La XVIII Delegación Asturiana pa Pescudar l’Estáu de los Drechos Humanos y la Paz de Colombia pudo constatar los efectos perversos de l’ausencia del Estáu y d’inversión social en vastes rexones, la persistencia y l’agravamientu del conflictu armáu internu nes rexones visitaes y la escalada de violencia en zones rurales y nes ciudaes del país.

• https://eln-voces.net/solucion-politica-con-otro-modelo-de-negocia- cion/

Pudimos constatar la gravedá de los ataques escontra la dirixencia social colombiano en campos y ciudaes, que reviste’l calter de violencia sistemática ya impune. Les persones que defenden los drechos humanos y el mediu am- biente tán en gran peligru.

“Per segundu añu consecutivu, Colombia rexistró la mayor cantidá d’asesinatos nel 2020, con 65 persones de- fensores de la tierra y del mediu ambiente asesinaes. Estos homicidios asocedieron nun contestu d’ataques xenerali- zaos escontra defensores de drechos humanos y cabezaleros comunitarios de tol país, a pesar de la esperanza xenerada pol alcuerdu de paz del 2016. Los puelos indíxenes viéron- se particularmente afectaos y la pandemia de COVID solo sirvió pa empeorar la situación. El confinamientu oficial llevó a que les y los defensores fueran atacaos nes sos cases y a que se reduxeren les midíes de protección del gobiernu”.9

Pero, pa CARLOS CORREA, Ministru d’Ambiente y Desarrollu Sostenible, “Colombia nun ye peligroso pa de- fender la naturaleza. Nun se pue xeneralizar que defender el mediu ambiente en Colombia sía arriesgao”.10

El mieu al paramilitarismu espardióse potenciáu pol narcotráficu y con responsabilidá de la fuercia pública, qu’en munches rexones omite’l deber de combatilos. Ye’l casu del departamentu del Chocó, sobre’l que los obispos de la Ilesia católica denunciaron: “El Clan del Golfu tien tomáu tol departamentu”.11

“Lo que pasa ye que cuando tienes al actor armáu col fusil na cabeza ye difícil espresase con llibertá, como podría facese nun Estáu de Drechu sólidu. La xente denúncialo nestos alcuentros con nós, díz-ylo a la ONX, díz-ylo a Defensoría. El Clan del Golfu tomó tolos departamentos,

• https://www.globalwitness.org/es/last-line-defence-es/
• https://www.elcolombiano.com/colombia/ministro-de-ambiente- carlos-eduardo-correa-asegura-que-colombia-no-es-peligroso-para- defender-la-naturaleza-LH17238452
• https://www.elespectador.com/colombia-20/conflicto/iglesia-catoli– ca-denuncia-vinculos-del-estado-con-paramilitares-en-choco/

mira lo qu’asocede en Bahía Solano, Juradó y Nuquí, o l’Altu, Mediu y Baxu Baudó, agora l’ELN ta arrequexáu allá”.12

Segmentos amplios de la población espresen de manera pública que perdieron l’enfotu na fuer- cia pública, polos abusos y asesinatos cometíos pola policía y documentaos nes redes sociales y medios de comunicación nes movilizaciones del estallíu social d’abril, pola notoriedá de la so convivencia colos carteles del narcotráficu y pola so tolerancia colos grupos paramilitares.

“Les demandes de les persones manifestantes reflexen amplios agravios sociales fundamentaos en que l’Estáu nun garantiza los drechos econó- micos y sociales básicos –como la educación y la salú– y en que nun desarrolla midíes pa mitigar los efectos de la pandemia nún de los países con mayor desigualdá de la rexón. En cuenta escuchar les demandes de los miles de persones que se manifestaben, el gobiernu d’Iván Duque respondió con represión y violencia pa desalentar les manifestaciones pacífiques y, n’última instancia, castigar a quien pidía cambeos nel país”.13

                                                    

petalos y garantizalos. Evidencióse que la Policía Nacional

Nel paru nacional que se rexistró en 860 conceyos del país, ente’l 28 d’abril y el 15 de xunetu del 2021, según la organización Temblores rexistráronse 83 homicidios (44 por presunta aición de la policía), 96 xóvenes perdieron un güeyu y 2.053 detenciones arbitraries.14 Amás, hai denuncies escontra la policía por abusos sexuales escontra muye- res nel marcu de les protestes.

nal nun los respetó durante l’españíu social qu’escomenzó n’abril, y ye evidente que’l gobiernu resulta incapaz de ga- rantizar el drechu a la vida pa la dirixencia social, pa los fir- mantes de la paz y pa gran parte de les comunidaes rurales.

Pa la ONX “Colombia gocia d’un marcu llegal robus- tu pa la protección del drechu de reunión pacífica. Sicasí, la represión de les protestes y cómo s’usó la fuercia escontra manifestantes pacíficos nel marcu del paru evidenciaron la necesidá de reforzar la xestión democrática de la protesta. L’ACNXDH documentó casos d’usu innecesariu o despro- porcionáu de la fuercia, que provocaron privaciones arbi- traries de la vida y ataques a la integridá y seguridá personales, tamién detenciones arbitraries y violencia sexual y de xéneru, y actos de discriminación y racismu. En dalgunos

                                                                        

d’estos casos les víctimes yeren indíxenes, afrodescendientes periodistes y defensores de drechos humanos. En particular, l’ACNXDH verificó 46 muertes (incluyendo una muyer) nel contestu d’eses protestes. 28 tendríen involucrada a la fuercia pública y 10 a persones armaes vistíes de civil. N’ocho casos nun se pudo identificar al perpetrador. Adicionalmente, la Oficina recibió alegaciones de violencia sexual escontra 60 persones (48 muyeres y 12 homes), de les que verificó 16 casos presuntamente cometíos por integrantes de la policía”.15

Nos territorios visitaos la población ta sometío al con-trol creciente y violentu de los grupos narco-paramilitares,

guerrilles, bandes delincuenciales y n’ocasiones a l’actuación d’integrantes de la mesma fuercia pública qu’ataquen los drechos fundamentales que l’Estáu debe garantizar, como’l drechu a la vida, a la llibertá personal, les llibertaes de pensamientu, organización, reunión y movilización, aiciones qu’ataquen a la seguridá de les persones, o les someten a tortures, penes o tratos crueles, inhumanos o degradantes, aiciones d’usu perversu de la xusticia pa persiguir oposito-res sociales atacando’l drechu a nun ser arbitrariamente de- teníu, presu nin esterráu, y el drechu a nun ser desaposiáu de manera arbitraria de les sos propiedaes.

Nel 2021 la población colombiano sufrió ataques graves. Rexistráronse 96 masacres, con 335 víctimes en 73 conceyos de 21 departamentos.16

Amás, Los datos de la Policía Nacional rexistraron un incrementu del 9,5% del númberu d’homicidios, princi- palmente en zones con niveles altos de desigualdá y una insuficiente presencia integral del Estáu.17

Constatamos que gran parte de la violencia qu’asuela les rexones visitaes, definíes como Circunscripciones Tran- sitories Especiales de Paz, orixínase nel incumplimientu del Alcuerdu de Paz que l’Estáu firmó coles FARC, na es- pansión tolerada del paramilitarismu y del narcotráficu, qu’obliga al campesináu escluyíu de la inversión social a semar coca, imposición basada nel so poder políticu, militar y corruptor, en rexones antes controlaes poles FARC.

Otra parte del ciclu nuevu de violencia orixínase na re-paramilitarización del país, nel creciente control social y territorial del narcotráficu, nel incumplimientu del alcuerdu de paz firmáu coles FARC, nel abandonu del gobiernu de la Mesa de Diálogos col ELN y l’escalamientu de la confrontación, y nel tratu de guerra a la llexítima protesta social.

Preocúpamos que la voluntá belicista del gobiernu fa- cilite la continuidá de l’agresión de los Estaos Xuníos a la soberanía y a la seguridá de Venezuela, lo que convertiría’l conflictu internu de Colombia nun conflictu internacio- nal.

Consideramos mui grave la falta de garantíes pa preservar la vida de les persones firmantes de la paz. Más de trescientes cayeron asesinaes dende la firma del alcuerdu y la Fiscalía Xeneral nun da resultaos de les investigacio- nes. La impunidá ye otra fonte de violencia, pues aguiya la continuidá de les agresiones que-yos costaron la vida a más de mil trescientes persones de la dirixencia social dende la firma del alcuerdu, fechu que mos permite afirmar qu’en Colombia hai violencia ya impunidá estructurales.

Los ataques escontra quien defenden los drechos humanos son mui graves y nun duldamos en calificalos d’ataques sistemáticos, pol númberu altu y pol calter de les víctimes, pol modus operandi, pol propósitu evidente d’acabar coles organizaciones sociales y pola impunidá xe- neralizada a cargu de la Fiscalía Xeneral.

Ún de los sectores sociales más golpiaos sigue siendo’l movimientu sindical. La so dirixencia, activistes y les per- sones afiliaes siguen siendo persiguíes de manera sistemáti- ca, afectando a les llibertaes sindicales y los drechos sociales y llaborales. Tamién tán mui afectaos por ataques les perso- nes que defenden el mediu ambiente, la dirixencia llabrie- ga, indíxena, afro y xuvenil.

Al sindicalismu siguen persiguiéndolu a muerte. “Nel 2021, dempués de doce años, Colombia ye llamada pola Comisión de Normes de la OIT a rindir cuentes pol ataque al Conveniu 87 sobre la llibertá sindical y protección al drechu de sindicación. Pasó una década dempués de que’l Gobiernu Colombianu recibiera numberoses recomenda- ciones de distintes organizaciones internacionales como la OIT, el PNUD y la OCDE. Asina como los compromisos roblaos nel marcu del Plan d’Aición Llaboral (PAL) soscritu colos EE. XX. y la Fueya de Ruta (Resolución 2628). A

pesar d’ello, la execución parcial d’eses recomendaciones y l’ausencia de voluntá política pa garantizar el desmonte de pilancos pal exerciciu de les llibertaes y los drechos sindicales, como la violencia ya impunidá, nun reflexó avan- ces sustanciales que favorezan un escenariu garantista pa los drechos llaborales y l’actividá sindical. Según l’informe d’Índiz Global pal añu 2021, Colombia sigue na llista de los diez peores países pa trabayadores nel mundiu. Según el Sistema d’Información de Drechos Humanos de la Es- cuela Nacional Sindical, Sinderh, en Colombia per más de trés décades sindicalistes y sindicatos fueron víctimes de distintes formes de violencia, siendo esta una de les formes más graves d’esclusión padecida pol movimientu sindical, y qu’entá nun foi oxetu de reparación. Dende’l 1 de xineru del 1971 hasta’l 30 de payares del 2021 rexistráronse, polo menos, 15.453 ataques a la vida, la llibertá y la integridá cometíes escontra sindicalistes. Ente estes, 3.295 homicidios, 434 atentaos escontra la vida, 253 desapaiciones for- ciaes, 7.624 amenaces de muerte y 1.952 esllarigamientos forciaos”.18

Cada añu ye más difícil visitar a les comunidaes nes rexones, como se denuncia nel comunicáu de la Delega- ción Vasca d’Observación de Drechos Humanos en Colombia con fecha 29 de xineru de 2022: “En 10 años del programa, tres varies visites de siguimientu al país, ye la primer vegada que nun podemos acceder a los territorios. De la mesma manera, nun se dan les condiciones de segu- ridá pa garantizar la entrada de los organismos internacio- nales y los entes de control. Too ello constitúi una muestra clara de la inseguridá que viven les comunidaes étniques y les persones defensores de drechos humanos”.

A pesar del peligru y del mieu, nes rexones visitaes les organizaciones sociales y de víctimes reuniéronse cola delegación asturiana y espresaron:

1. https://ail.ens.org.co/opinion/los-derechos -humanos-y-la-libertad- sindical-en-colombia-permanecen-en-crisis-conmemoracion-del-dia- internacional-de-los-derechos -humanos/

Nel Baxu Atrato el puelu indíxena embera dóbida ta atrapáu pola guerra ente l’ELN y el Clan del Golfu, grupu paramilitar que quier imponyos el cultivu de plantes de coca ayenu a la cultura embera, que s’arriesga a desañicialo coles sos propies manes.

A la delegación asturiana interceptáronla a la xubida y baxada del ríu Chintadó paramilitares d’AGC que mantienen un puestu permanente de control que la fuercia pública tolera, allugáu en La Nueva, sitiu onde s’axunten los ríos Chintadó y Truandó.

El territoriu ta cercáu por mines antipersona y les co- munidaes embera tán confinaes, sometíes al control para- militar y abandonaes pol Estáu. Constituyeron la Guardia Ambiental o Uramia –formiga– pa protexer la selva y ñéguense a participar de la guerra, de los cultivos ilícitos y del tráficu de drogues. Denuncien l’allistamientu forciáu de menores, les violaciones escontra neñes y muyeres embera, l’asediu de la minera Cobre SAS, que pretende imponer proyectos de gran minería por métodos atentatorios a la dignidá y al drechu.

N’Urabá, la Comunidá de Paz de San José de Apar- tadó, sigue asediada polos grupos narco-paramilitares, de los que ñega la esistencia la Brigada XVII del exércitu, cola que comparten el control de la rexón, siendo público y no- torio que se reúnen y se coordinen.

La Comunidá de Paz señala’l control paramilitar de la rexón en sitios llamaos “puntos”. A pesar de tar militari- zada la zona, los paramilitares muévense con llibertá y en toles collaciones entren pola fuercia a les reuniones de les xuntes d’aición comunal y a les asamblees rurales, imponiendo la so presencia armada y el so proyectu, ayenu a los planes de vida comunitarios.

La comunidá de paz, acoyéndose al drechu de les víctimes a saber la verdá, pide que se dean a conocer los rella- vicos de la entrega del xefe paramilitar de nomatu Otoniel.

El sur de Córdoba ta militarizáu, pero la población sigue baxo’l control del grupu paramilitar Autodefenses Gaita-

                 

nistes de Colombia, qu’amenaza, asesina, esllariga y recluta a menores, como en Tierralta, a pesar de les alertes tempranes de la Defensoría del Puelu dende hai más d’un añu.

Xeneren alarma les cifres de la violencia del 2021 en Tierralta escontra la población LGBTIQ+, que sufrió 15 casos d’agresión y asesinatos.

De manera especial resulta preocupante l’incrementu de la violencia sistemática de xéneru en Córdoba, con 22 feminicidios nel 2021.

La Secretaría de Gobiernu, la Policía y el Defensor del Puelu de Córdoba reconocen la esistencia de grupos para- militares y los incumplimientos en materia de restitución de les tierres usurpaes, indemnizaciones y sustitución de cultivos ilícitos, alegando la falta de recursos que deben llegar de Bogotá.

Nel departamentu de Sucre recibimos denuncies de la permisividá de les autoridaes civiles y militares col actuar

criminal de los grupos narco-paramilitares qu’exercen un control políticu y social que ye de dominiu públicu.

Les autoridaes afirmen que “nun creen” na esistencia del paramilitarismu y atribúin el control armáu sobre les comu- nidaes y los asesinatos escontra la dirixencia social a proble- mes ente bandes del narcotráficu pol dominiu de territorios, microtráficu, estorsiones y prostitución. Esta esplicación esmuel –por ser falsa– a les organizaciones sociales, pa les que se trata d’encubrir a la delincuencia dende les instituciones, situación que tien antecedentes y que nun escusa a les autori- daes de la so obligación d’investigala, sancionala y combatila.

Les denuncies recibíes dan cuenta de que los grupos narco-paramilitares asedien al campesináu de la finca La Europa de Ovejas, controlen el comerciu agropecuariu na rexón de La Mojana y restrinxen les llibertaes polítiques n’amplies rexones del departamentu nes qu’imponen les sos candidatures a cargos d’elección popular, organicen y con-voquen asamblees d’obligatoria asistencia pa les comuni-

daes llabriegues. Quieren controlar la población, prohíben la creación de movimientos sociales que nun tean baxo’l so control, persiguen a muerte a los integrantes de los colecti- vos que defenden los drechos humanos. L’afirmación de que nun hai paramilitares escuende la permisividá de la fuercia pública, qu’omite combatilos y obliga a que la ciudadanía presente les sos denuncies énte la Defensoría del Puelu y les personeríes, y non énte’l Ministeriu del Interior, l’Armada Nacional, la Infantería de Marina o la Policía Nacional.

La población teme con razón que vuelvan les masa- cres, pues el grupu paramilitar muévese con llibertá y ta amenazando, asesinando llabradores, imponiendo toques de queda de doce hores en correximientos y collaciones de la rexón, toes baxo control militar, como Salitral, Los Números, Chengue, Almagra, Don Gabriel, El Palmar, Pijiguay, San Rafael, Flor del Monte, Canutal y Canutalito, Damasco, Pedregal, Medellín, Villa Colombia, Las Babi-llas, Oso, San Francisco, Bajo Grande, Arena, El Tesoro, Buenos Aires y El Zapato.

Recibimos la quexa del abandonu pol gobiernu y la falta de reparación a les víctimes de les masacres de Chen- gue y de La Mojana.

Los paramilitares tienen sitiaes a les comunidaes lla- briegues de los Montes de María, como lo espresen los lla- bradores de la finca La Europa, que tienen 20 asesinaos na llucha pola tierra, 6 desapaecíos y 90 families esllarigaes.

San Onofre. El grupu paramilitar Autodefenses Gai- tanistes de Colombia, AGC, que forma parte del grupu delincuencial Clan del Golfu, llogró la hexemonía del con- trol social y de los procesos políticos d’esa rexón y controla la economía llegal y la del narcotráficu, ensin que l’alcaldía del Conceyu, l’Exércitu Nacional – Infantería de Marina, nin la policía lo eviten.

Norte de Santander. Amplies zones del departamentu tán lliteralmente copaes por 17 grupos armaos que contro-len les actividaes económiques y sociales de la población. Les organizaciones sociales denuncien la presencia masiva

de militares y asesores militares de los Estaos Xuníos na zona fronteriza con Venezuela. Los gastos en defensa nun dan resultaos, pero afecten a la inversión social, al puntu de que la rexón solo cuenta con un hospital de primer nivel, lo que da una idea del abandonu de la zona de frontera.

Na rexón del Catatumbo la ciudadanía y, en particular, les comunidaes llabrigues y los puelos indíxenes tán asediaos por grupos armaos, ente paramilitares como les AGC, Los Rastroxos, les disidencies de les FARC, l’ELN, l’EPL, nuna zona militarizada na que, con too y con eso, socédense a diario amenaces, asesinatos, estorsiones, confi- namientos, allistamientos y esllarigamientos forciaos.

Al puelu indíxena barí nun lu escucha’l gobiernu na so demanda de saniamientu y ampliación del so territo- riu ocupáu por colonos qu’afaren la selva pa semar coca, tampoco cuenten con un puestu de salú nin hai escueles en condiciones. Tán padeciendo enfermedaes como la tu- berculosis y la neumonía, abandonaos y a mercé de los grupos armaos que penetren nel territorio ancestral. La so situación ye más dramática cola llegada de llabradores y de puelos indíxenes d’otres rexones de Colombia y de Venezuela, tamién pol allistamientu forciáu de los xóvenes y pola esistencia de campos minaos nel so territoriu. Reci- bimos informes que dan cuenta de la esistencia de fuexes comunes nel territoriu barí.

El gobiernu incumple la Sentencia T–052 del 2017, na que la Corte Constitucional impón el deber de garantizayos el drechu a esistir, a la identidá étnica y cultural, a la consulta previa, llibre ya informada, y a la propiedá colec-tiva de la tierra. Tampoco cumple lo estipulao nel alcuerdu de paz referente a los puelos indíxenes.

En Tibú, el conflictu armáu ta vixente y esprésase n’atentaos, asesinatos, acosu a les organizaciones sociales. Los llabradores cultivadores de coca siéntense engañaos pol gobiernu pola ausencia de proyectos productivos y énte la posibilidá de desañicios forciaos, que los dexaríen ensin sustentu, polo qu’anuncien que fadrán resistencia pa evitar

la fame de les sos families. Les denuncies escontra les empreses petroleres y mineres faen referencia a la destrucción del mediu ambiente, al saquéu de recursos naturales y la baxa inversión social.

Mui graves son los ataques escontra les muyeres en tolos ámbitos, como les redes de trata de muyeres venezolanes con fines d’esplotación sexual y d’esplotación llaboral nos llaboratorios de procesamientu de cocaína, sometíes a condiciones de servidume o semiesclavitú, ensin que les autoridaes intervengan pa impedilo.

Hai denuncies escontra’l “Plan Catatumbo sostenible” que’l gobiernu crea pa safase del cumplimientu del Alcuerdu de Paz.

N’Arauca, el conflictu armáu ye álxidu. L’ausencia de diálogos col ELN y l’enfrentamientu ente organizaciones insurrectes xenera mieu na población civil.

Tán asocediento ataques graves a los drechos humanos y al DIH, allistamientos y desapaiciones forciaes, confina- mientos de les comunidaes llabriegues y a los firmantes del Alcuerdu de Paz.

N’Arauca aumentó la estigmatización escontra los habitantes y los ataques escontra la dirixencia social. La fiscalía nun fai llevantamientos de cuerpos en zones rurales, nin investiga agresiones escontra la población civil. La fuercia pública ta destinada a protexer la infraestructura de les empreses multinacionales y non a la población civil.

Fechos tan graves como l’atentáu con coche bomba escontra la sé de les organizaciones sociales en Saravena en xineru d’esti añu dan cuenta del nivel de riesgu que cuerre la dirixencia social; nel mesmu sen revisten gravedá los ataques escontra la empresa d’acueductu, cantarelláu, recoyida de basura y gas domiciliario. Estos ataques escontra instalaciones civiles y comunitaries evidencien el propósitu d’aniquilar a la dirixencia social de Saravena y de destruyir la infraestructura creada dende hai mediu sieglu poles co- munidaes per aciu de l’autoxestión.

Nel Caquetá, el gobiernu incumple l’Alcuerdu de Paz. La información xeográfica del allugamientu de los cultivos de coca, recoyida pa los proyectos productivos de sustitución, ta usándola la Fiscalía pa detener al campesináu y la fuercia pú- blica pa quema-yos les viviendes y esllarigar a les comunidaes.

Ye grave que’l gobiernu nun garantizara la seguridá de los firmantes de la Paz nel ETCR Urías Rondón, que debieron ser reallugaos énte l’acosu paramilitar, lo que da una idea del control d’estos grupos y de la falta de voluntá política pa combatilos.

La Operación Artemisa destinada a detener la deforestación nun concasa colos proyectos petroleros, que ponen en riesgu los ecosistemes. Ta persiguiéndose a los llabradores colonos, pero non a los grandes deforestadores.

Nun s’ofrecen alternatives de reallugamientu a les fa- milies obligaes a vivir fuera de la frontera agrícola y ta mo- viéndose a comunidaes de colonos o encarcelándolos.

El gobiernu convirtióse n’axente d’esllarigamientu for- ciáu, denuncien les organizaciones. Esto agrávase cola falta de voluntá del gobiernu p’adelantar la titulación de tierres a les families llabradores con decenes d’años d’ocupación.

La deforestación crez al ritmu de los asesinatos escontra’l campesináu.

Los puelos indíxenes de l’Amazonía tán abandonaos pol Estáu y asediaos por grupos armaos y por inversionistes que se queden colos sos territorios y por grupos armaos qu’allisten y esllariguen. Los puelos indíxenes denuncien

que la matriz minero-energética púnxose percima de la na- turaleza y de los drechos de los puelos indíxenes.

Hai denuncies pola falta d’auditoría de los fondos eu- ropeos y norteamericanos destinaos a financiar proyectos de reinserción a firmantes de la paz. Tampoco hai garantíes pa preservar la vida d’estes persones; a 31 d’elles asesi- náronles con impunidá nel Caquetá.

Bota Caucana, Piamonte y Putumayo. Les families llabradores siéntense engañaes pol gobiernu. Arrincaron la coca y namás recibieron ayuda d’emerxencia, pero non los proyectos productivos.

El territoriu ta baxo’l control de grupos narco-parami- litares qu’imponen semar cultivos de coca y pretenden sus- tituyir la organización llabriega de base por otra baxo’l so control. Nin la policía, nin l’alcaldía de Piamonte cumplen col deber de persiguir el paramilitarismu y el narcotráficu, nin el de protexer a la dirixencia social, que foi amenazao de muerte y obligao a esllarigase.

Nel Putumayo les comunidaes tán baxo’l control para- militar y sometíes pol mieu a proyectos mineros y del narcotráficu. Estrañamente hai más muertos del campesináu au hai más fuercia pública. Les persones defensores de los drechos humanos nun tienen garantíes y tán persiguiéndo- les a muerte. Por ser zona de frontera, con coca y petroleu, les sos comunidaes tienen un grau altu de vulnerabilidá.

En tol país la violencia xeneralizada, la pandemia y el desemplegu agravaron problemes estructurales d’inequidá y d’esclusión, sobre manera nes zones rurales, poniendo a millones de persones más nuna situación de probitú o de probitú estrema; Colombia ye dende hai décades, según la CEPAL, el segundu país más desigual d’América Llatina.

Precisamente llevar l’Estáu Social y l’Estáu de Drechu a les rexones abandonaes pol Estáu ye’l nucleu del Alcuerdu de Paz que’l gobiernu del presidente IVÁN DUQUE ta evadiendo.

La delegación asturiana recibió una denuncia escontra un altu cargu de la Oficina de les Naciones Xuníes Escontra

“2021 foi l’empiezu d’añu más violentu en términos de masacres, enfrentamientos armaos y amenaces de muerte a líderes sociales, dende la firma del Alcuerdu de Paz. Esta ye la principal conclusión a la que llegó’l monitoréu de riesgos de seguridá qu’ellabora la Unidá d’Investigación y Acusación de la XEP, que fai siguimientu per- manente a los riesgos que puedan torgar la par- ticipación efectiva de les víctimes, de les organi- zaciones defensores de Drechos Humanos y de los comparecientes nos procesos que realiza la Xuris- dicción” (XEP 2021, páz. 1).

                                                                                 

“Los Montes de María. Incertidumbre, miedo, amenazas y sometimiento…” Comunicáu del Conseyu Territorial de Paz de los Montes de María, marzu del 2022.

Cinco persones de la dirixencia social colombiano amenazaes de muerte fueron acoyíes nel 2022 pol Programa Asturianu d’Atención a Víctimes de la Violencia en Colombia:

YURI SIRLENY QUINTERO, cabezalera social na Mesa Rexonal de Organizaciones Sociales del Putumayo y del Sindicatu de Trabayadores Llabriegos del Gordón Fronterizu del Putumayo; directiva de la Federación Na- cional Sindical Unitaria Agropecuaria, FENSUAGRO- CUT, defensora de los drechos humanos na rexón sur del área andino-amazónica; integrante de la Coordinadora de la Rede de Drechos Humanos del Putumayo, Piamonte Cauca y Cofania Jardines de Sucumbios, Ipiales (Nariño). Foi diputada na asamblea departamental del Putumayo. Ye víctima d’acusaciones, acosos y de varies amenaces de muerte proferíes polos grupos paramilitares Águiles Negres-Bloque Sur (Putumayo) y pol Comandu de la Frontera, qu’anunció’l pagu d’una suma a quien la asesine.

CÉSAR ARIAS CARREÑO, defensor de los drechos humanos, integrante del Comité Permanente pola Defen- sa de los Drechos Humanos capítulu Norte de Santander; cabezaleru social y comunitariu na ciudá de Cúcuta; dirixente de l’Asociación Colombiana d’Estudiantes Univer- sitarios, ACEU; voceru de los estudiantes na Universidá Francisco de Paula Santander.Ta recibiendo amenaces de muerte de los grupos paramilitares.

JONATHAN CUÉLLAR RAMÍREZ, médicu vetri- nariu y defensor de drechos humanos na Rede de Drechos Humanos del Putumayo, baxa Bota Caucana, Cofanía- Jardines de Sucumbíos-Ipiales (Nariño). Dirixente de

l’Asociación Municipal de Trabayadores Llabriegos de Piamonte Cauca, ASIMTRACAMPIC; integrante de la Xunta Directiva Nacional de la Federación Nacional Sindical Unitaria Agropecuaria, FENSUAGRO-CUT; impulsor de la Zona de Reserva Llabriega de los conceyos de Pia- monte, San José y Curillo. Defende la selva y la economía llabradora nuna rexón na que los carteles y los sos grupos paramilitares tán imponiendo semar coca. Ye víctima de siguimientos illegales, acosos con esplosivos, amenaces de muerte y retenciones illegales en víes públiques.

ELIECER ARIAS ARIAS, ye cabezaleru social indíxena; integrante de la organización Fíos y Fíes pola Me- moria y Escontra la Impunidá; integrante del Movimientu Nacional de Víctimes de Crímenes d’Estáu, MOVICE. Ta en riesgu por defender los drechos de les víctimes y polos siguimientos y el patrullaxe de grupos armaos illegales nel resguardu indíxena y nos alredores del so llugar de residencia. El puelu kankuamu tien una situación d’alta vulnera- bilidá reconocida pol Estáu.

A la cabezalera MAYDANY SALCEDO, d’ASITRA- CAMPIC, obligáronla a esllarigase por amenaces de muerte proferíes polos grupos narco-paramilitares que tomaron Piamonte y les sos zones rurales col consentimientu de les au- toridaes locales, que nun actúen pa protexer a la dirixencia llabriego y a les families afiliaes al sindicatu llabrador.

L’asesinatu del dirixente llabriegu y presidente de la Federación Agrominera del Sur de Bolívar ya interllocutor del gobiernu, TEÓFILO ACUÑA y de JORGE TAFUR, en Puerto Oculto, conceyu de San Martín (Cesar), el 22 de febreru del 2022, tevo precedíu de denuncies nes que TEÓFILO declaró –cuatro díes antes del crime– amenaces de muerte proferíes pola fuercia pública y pola alcaldía de San Martín. Los dos yeren voceros de la Comisión d’Interllocución del Sur de Bolívar, Centro y Sur del Cesar, Sur del Magdalena y Procesos de los Santanderes (CISB- CSC) y formaben parte del Coordinador Nacional Agrariu (CNA) y del Congresu de los Puelos.

 

La persecución escontra Teófilo incluyía un procesu xudicial pol supuestu delitu de ”rebelión”, xunto colos de- fensores de la tierra y les comunidaes llabradores Robert Daza y Adelso Gallo.

Ye mui grave qu’axentes del Estáu señalaren a TEÓ-FILO poniéndolu n’altu riesgu rellacionáu cola so muerte. “N’avientu del 2020 la fiscalía y policía espublizaron un cartel nel qu’indicaben que Teófilo Acuña formaba parte de la conducción de mases pa la rebelión, ensin qu’esa acusación fuere probada en xuiciu. Púnxose-y una llábana en pechu, señalóselu nacional y rexonalmente”, indicó Yepes. “Nun hai duda de qu’hai un venceyu direutu ente les acusaciones de les autoridaes y el desenllaz fatal de los líderes”.29

29 https://www.elespectador.com/colombia/mas-regiones/denuncian- responsabilidad-del-estado-en-asesinatos-de-teofilo-acuna-y-jorge- tafur/

La llibertá de movilización restrinxóse tovía más. “Nel marcu de la sanción presidencial de la Llei 2.197 del 25 de xineru del 2022 per aciu de la que se dicten normes tendentes al fortalecimientu de la seguridá ciudadana y se dicten otres disposiciones, consideramos qu’esta llei cuenta con evidentes vicios constitucionales de forma y de fondu, qu’afecta a drechos fundamentales, como la vida y la integridá personal, criminaliza’l drechu a la protesta social amás d’afectala nel sen de desconocer la identidá cultural de comunidaes y puelos llabriegos, indíxenes y afrodes- cendientes al prohibir elementos propios de la so cultura n’espacios de movilización. Polo qu’anunciamos que vamos llanzar aiciones polítiques y jurídiques unitaries refugando esta llei que pon en riesgu la democracia colombiana”.30

30     Comunicáu “Crítica situación de derechos humanos”. Cume Agra- riu, Llabriegu, Étnicu y Popular, CACEP, 31 de marzu del 2022.

La llibertá de prensa ta atacada. La Fundación pa la Llibertá de Prensa, FLIP, rexistró 575 ataques, incluyendo 168 agresiones, 172 amenaces, 57 estorbises al trabayu pe- riodísticu y 65 casos d’acosu.31

                  Execuciones estraxudiciales y masacres

Polo menos 6.402 persones fueron asesinaes pol Exér- citu Nacional y presentaes como “guerrilleros daos de baxa en combate” durante los dos gobiernos –2002-2010– del ex-presidente ÁLVARO URIBE VÉLEZ, impulsor d’una política de guerra a la insurrección a la que llamó “seguridá democrática”, que premiaba con ascensos, dineru y vacaciones a los militares que dieran resultaos operacionales en términos de muertos.

Anque los diferentes gobiernos y l’altu mandu militar ñegaron esa práctica, la llucha escontra la impunidá de los familiares llogró que, dientro de la Xurisdicción Especial pa la Paz, XEP, tean compareciendo oficiales, suboficiales y soldaos del Exércitu Nacional pa cuntar la verdá d’estes execuciones estraxudiciales llamaes en Colombia “falsos positivos”.

Dalgunos militares vinieron reconociendo la so res- ponsabilidá en crímenes escontra la humanidá, como les execuciones estraxudiciales, empara de reducciones na pena d’alcárcel y pa evitar la competencia de la Corte Penal Internacional.

El cabu retiráu del exércitu NÉSTOR GUILLERMO GUTIÉRREZ esplicó nuna audiencia de la XEP, delantre familiares de persones executaes, que: “Había una presión, esixíenmos dar resultaos, había que buscar resultaos como fuera y teníamos contautu con grupos de paramilitares de

conoció la so participación y añadió: “ arrampuñé-yos la ilusión a los sos fíos, esgarré-yos el corazón a les sos madres por una presión d’unos falsos resultaos, por tener contentu a un gobiernu. Nun ye xusto, nun ye xusto”.

Otros militares del exércitu, como’l xeneral PAULINO CORONADO, reconocieron la responsabilidá del exércitu en crímenes de guerra. El capitán retiráu Rivera Jácome espresó que: “acudo cola fin de reconocer la mio responsabilidá como máximu responsable a títulu de coau- tor por crímenes de guerra y escontra la humanidá”.32

Les execuciones estraxudiciales fueron el resultáu d’una política d’Estáu, como lo veníen denunciando les families, les organizaciones de drechos humanos y la dele- gación asturiana dende’l 2005.

Estos crímenes graves siguen ocurriendo.

Tropes del Exércitu Nacional asesinaron a once (11) persones el llunes 28 de marzu na collación Alto Remanso, del conceyu de Puerto Leguízamo (Putumayo). Solo cinco díes dempués llegó una comisión de la Fiscalía, dando tiempu a les tropes pa manipuliar la escena de los fechos, según les organizaciones de drechos humanos locales.

Pal Ministru de Defensa de Colombia, Sr. DIEGO MOLANO APONTE: “La operación nun yera escontra los llabradores, sinón escontra los disidentes de les FARC. Nun foi escontra indíxenes inocentes, sinón escontra nar- cotraficantes”.

La Rede de Drechos Humanos del Putumayo precisó que nun yeren “blancos llexítimos”, sinón llabradores ya indíxenes que participaben nuna actividá comunitaria pa recoyer recursos y solucionar problemes orixinaos na falta d’inversión social del gobiernu d’IVÁN DUQUE. Amás, les tropes cometieron otros ataques graves a los drechos humanos, como’l maltratu físicu y sicolóxicu a la comunidá, el confinamientu, los allanamientos illegales, la estigmatización y l’esllarigamientu masivu de polo menos cien families y el furtu poles tropes de bienes de la comunidá y personales.

la rexón, sobre too d’Aguachica, pa consiguir armes”.

reconocieron-su-responsabilidad-en-falsos-positivos-en-el-catatum-bo-349026

Les declaraciones del ministru intenten evitar que les families de les víctimes y la sociedá nacional ya internacio- nal conozan la verdá.

Les organizaciones sociales esixeron xusticia y la destitución de los militares involucraos y la del xeneral ED- GAR ALBERTO RODRÍGUEZ SÁNCHEZ por difundir versiones falses nesti casu y polos sos antecedentes n’execuciones estraxudiciales n’otres rexones del país.

                 Población en situación d’esllarigamientu

Nel 2021 les aiciones violentes de los grupos armaos aumentaron los casos d’esllarigamientu forciáu y confina- mientu. Cerca de 80.000 persones fueron obligaes a eslla- rigase, trés vegaes más que l’añu anterior. Tamién aumentaron los casos de confinamientu y de restricciones graves a la movilidá de persones, sobre too de los puelos indíxenes y de les comunidaes negres.

L’asesinatu de persones de la dirixencia social tien un impautu mui importante sobre les comunidaes que representaben, incluyíu l’esllarigamientu forciáu, como ye’l casu del asesinatu de guardies indíxenes nel Baxu Baudó (Chocó), o l’asesinatu del representante llegal del Conseyu Comunitariu Afro del conceyu de Roberto Payán (Na- riño), que xeneró l’esllarigamientu de la dirixencia étnica de la rexón.

                  Persones privaes de la llibertá. Tortura, tratu cruel, inhumanu o degradante

La situación que viven más de 12.000 persones privaes de la llibertá en Colombia ye abiertamente inconstitucional dende hai varios años. Asina lo declaró la Corte Consti-tucional nes Sentencies T-388 del 2013 y T-762 del 2015.

Hai niveles altos d’apetiguñamientu nes alcárceles y nos centros de detención transitoria.

En nengún centru de detención se garantiza’l suminis- tru d’alimentación en condiciones, agua potable, accesu a la salú, lletricidá, telefonía y servicios sanitarios.

Son frecuentes les denuncies por tratu cruel, inhuma-nu y degradante, violencia y abusos sexuales, usu despro- porcionáu de la fuercia, la tortura, l’aisllamientu por pe-riodos llargos y l’usu d’armes de fueu escontra les persones que reclamen drechos dientro de les alcárceles, como asocedió con deteníos por protestar en medio de la pandemia n’alcárceles de Bogotá, Popayán y Cúcuta.33

                  Muyeres, infancia, mocedá, víctimes, población LGBTI

Constitúi un avance de los drechos de les muyeres la Sentencia C-055 de febreru del 2022 na que la Corte Constitucional despenaliza l’albuertu hasta les 24 selmanes de xestación. “Primero. Declarar la POSIBILIDÁ CON- DICIONADA del artículu 122 de la Llei 599 de 2000 “per mediu de la que s’espide’l Códigu Penal”, nel sen de que la conducta d’albortar ellí prevista solo sedrá punible cuan- do se realice dempués de la vixésimo cuarta (24) selmana de xestación y, en tou casu, esti límite temporal nun sedrá aplicable a los trés supuestos nos que la Sentencia C-355 de 2006 dispunxo que nun s’incurre en delitu d’albuertu, esto ye: “(i) Cuando la continuación del embaranzu consti- tuya peligru pa la vida o la salú de la muyer, certificada por un médicu; (ii) Cuando esista malformación grave del fetu que faiga inviable la so vida, certificada por un médicu; y,

(iii) Cuando l’embaranzu sía’l resultáu d’una conducta, de- bidamente denunciada, constitutiva d’accesu carnal o actu sexual ensin consentimientu, abusivu o d’inseminación ar- tificial o tresferencia d’óvulu fecundáu non consentíes, o d’incestu”.34

Recibimos dende les organizaciones sociales y de mu- yeres informes mui graves d’un aumentu significativu de les violencies escontra les muyeres en toles rexones visitaes.

Les dinámiques de probitú y desigualdá, agudizaes pola pandemia COVID19, que mermaron les yá fráxi- les economíes familiares sosteníes de manera informal, l’incrementu de la crisis migratoria nos últimos años, tratándose na so mayoría de territorios de frontera, y l’aumentu de la presencia y reconfiguración de grupos armaos nestes rexones, con un aumentu de la escalada

33     tps://www.comitedesolidaridad.com/sites/default/files/Tortura%20 y%20malos%20tratos%20en%20las%20%20c%C3%A1rceles%20

%20colombianas.pdf

• 
  https://www.corteconstitucional.gov.co/comunicados/Comunica– do%20de%20prensa%20Sentencia%20C-055-22%20-%20Febre- ro%2021-22.pdf

de violencia, tán afectando gravemente a la población y, específicamente, a les muyeres.

Exemplu de la vida en territorios marcaos pola presencia de grupos armaos alcontrémoslu na visita al res- guardu indíxena Barí, onde mos informen que’l territoriu ta mináu. Fuera del resguardu, no que se conoz como les Árees de Pretensión, entamáronse aiciones de desmináu, non asina nel resguardu, col consiguiente riesgu real pa la integridá física de la población, fundamentalmente, como mos dicen, de les muyeres, que son les que faen los llabores de recoyida y les más espuestes.

La cultura machista y patriarcal denúnciase dende les organizaciones, informando de feminicidios, desapaiciones y agresiones sexuales escontra muyeres, dalgunes denun- ciaes a la fuercia pública, otres silenciaes pol estigma y/o pola desconfianza hacia les instituciones.

Nel Norte Santander, Arauca y Cauca denuncien l’aumentu de la trata de muyeres y neñes con fines d’esplotación sexual, incentivada pola situación estratéxica d’estos departamentos allugaos nes fronteres con Venezuela y Ecuador.

Toles organizaciones manifiesten una ausencia absoluta de la institucionalidá pública nel siguimientu, acom- pañamientu ya investigación de les denuncies sobre casos de violencia machista y tamién la falta de recursos pa les víctimes.

Hai invisibilidá de la violencia y agresiones sexuales a neñes y xóvenes nel entornu familiar y cercanu, socializando casos d’agresiones sexuales a menores realizaes por homes de la propia familia o del entornu.

En nengún casu esisten ferramientes institucionales d’acompañamientu a les muyeres víctimes d’esti tipu de violencies.

Recibimos denuncies de fuertes acosos y violencies escontra’l colectivu LGTBIQ+ y les muyeres trans, ensin llexislación nin apoyos institucionales pa la visibilización y la protección de les persones d’estos colectivos.

Referente a la situación de les muyeres nel marcu del conflictu armáu, con tola complexidá y especificidá de cada rexón, les organizaciones destaquen:

• El cuerpu de les muyeres como campu de batalla: les muyeres son agredíes sexualmente como forma d’amedranar o desmoralizar al adversariu.
• Control social y estigmatización: infórmase dende’l CPDH capítulu Norte Santander d’un aumentu de casos d’usu de les muyeres como “informantes” (fundamentalmente pola fuercia pública, que se presenta en munchos ca- sos en forma de fundaciones, sobre too medioambientales), a traviés del engañu y desconociéndolo elles, lo qu’acaba provocando’l refugu del restu de la comunidá a una situa- ción que nun foi xenerada voluntariamente.

Cuestiónaseyos a les muyeres les rellaciones qu’entamen, más si se trata d’homes de la fuercia pública, siendo igualmente aisllaes pol entornu.

En dalgunos casos hai un fuerte control social, que pretende imponer a les muyeres el desarrollu n’esclusiva de les xeres que se-yos asignaron a traviés del xéneru.

• Aumentu grave de les redes de trata de muyeres con fines d’esplotación sexual nes fronteres y aumentu del allistamientu forciáu de neños, neñes y adolescentes, bien pa la so inclusión en grupos armaos illegales (neños) o pal trabayu forciáu en cultivos d’usu ilícitu (neños y aumentu del allistamientu de neñes). Son les muyeres, madres na so mayoría, les qu’oponen mayor resistencia, con denuncies a instituciones y tamién polos sos propios medios a estos allistamientos, col consiguiente señalamientu y amenaza a la so integridá.
• Amenaces, persecución, desapaiciones y asesinatos de cabezaleros sociales. El lideralgu de les muyeres ta sien- do reprimíu fuertemente. Nun contestu de violencia armada, munches d’estes muyeres, vilbes o soles pol exiliu de les pareyes, exercen lideralgos y, al tiempu, sostienen a la familia, ensin apoyu dalu. Les muyeres nun suelen dexar a les families soles, pues na so mayoría dependen económicamente d’elles, polo que se convierten nun blancu fácil al nun s’exiliar.

Les muyeres organizaes y cabezaleres tán siendo aco- saes, amenazaes y asesinaes pues tán texendo redes d’apoyu mutuu pa suplir les carencies d’un Estáu que nun-yos ofrez les garantíes pa una vida digna nin tampoco de seguridá y protección, cuando ye’l casu.

Nos territorios altamente militarizaos, les muyeres sufren tou tipu de violencies por parte de los actores armaos; tán sufriendo alta estigmatización social y política polos sos trabayos organizativos y de lideralgu social; la prevención de la violencia escontra les muyeres o la promoción de los drechos sexuales y reproductivos, son inesistentes.

Munches muyeres cabezaleres alcuéntrense fuera

una alta estigmatización social cuando faen denuncies públiques de la so situación, de les desapaiciones forciaes y d’otros ataques a los drechos humanos nos sos territorios.

“Soi líder de la organización de muyeres barí, somos munches, tamos en 23 comunidaes de cinco conceyos. Secuestráronme paramilitares que m’acusaron d’ayudar a la guerrilla. Lleváronme nueve díes, robáronme los alimentos de los neños que yo curiaba. Sobreviví a una masacre al cayer debaxo d’otres persones que morrieron. Nun denun- ciemos por mieu”.35

Constatamos la invisibilización de les muyeres nos escenarios de participación política, con representación escasa de les muyeres nes elecciones de marzu del 2022 y anteriores.

de los sos territorios al tar amenazaes polos sos trabayos  n’organizaciones sociales, sindicales o llabriegues, y sufren

                  

A la infancia afectólo’l piesllu de centros educativos na pandemia, lo qu’escluyó del drechu a la educación a los segmentos más probes de la población; el 79% d’ellos nun tiene accesu a internet pa recibir clases virtuales.

Los grupos armaos siguieron cola práctica impune del allistamientu de neños y neñes pa la guerra y pa otres actividaes criminales.

“L’allistamientu forciáu, l’usu de menores d’edá poles organizaciones criminales socesores del paramilitarismu y les sos redes d’apoyu ye’l pan de cada día nel Sur de Córdoba.

N’abril del 2021 la Defensoría del Puelu emitió l’informe nacional: Reclutamiento forzado, uso y utilización de niños, niñas y adolescentes en Colombia. Nesi informe recueye nel departamentu de Córdoba’l ‘mapa sobre riesgu por allista- mientu y usu ilícitu de neñes, neños, adolescentes y mocedá NNAM’. Les/os menores d’edá, especialmente nel sur de Córdoba son el ‘caldu de cultivu’ y los ‘coneyinos d’indies’ de les denominaes ‘organizaciones criminales socesores del paramilitarismu y les sos redes d’apoyu’, que nel nuesu de- partamentu tienen control totalitariu mediante les autodenominaes Autodefenses Gaitanistes de Colombia, AGC, colos sos 2 bloques y 5 frentes, que tienen fuerte presencia nel departamentu. Les aiciones / actividaes realizaes pol Estáu siguen siendo infructuoses, débiles ya incapaces de controlar y/o conxurar esti tipu d’actuar escontra los NNAM”.36

La denuncia de GERADO JUMÍ, Secretariu Xeneral de la ONIC señala que “polo menos trenta neños indíxenes del Chocó suicidárose pa evitar que los allistaren grupos armaos. El suicidiu convirtióse nun métodu de protección pa neños, neñes y adolescentes indíxenes que nun quieren to- mar parte de les files de los grupos armaos illegales… Facemos un llamáu a la guerrilla del ELN y a les disidencies de les FARC y a cualquier otru grupu armáu, como les Autodefenses Gaitanistes de Colombia (AGC), pa qu’apliquen el drechu internacional humanitariu, que significa nun in- volucrar a la población n’actos de confrontación militar y n’actividaes béliques que lleven a cabo estos grupos armaos. Los suicidios de los neños indíxenes nun asoceden namás nel Chocó sinón tamién n’Antioquia, Nariño y Cauca”.37

Ye mui grave l’incrementu de casos d’esplotación, trabayu infantil, tráficu, trata, esplotación y esclavitú sexuales con impautos irreversibles sobre la personalidá, les families y les comunidaes.

La delegación asturiana recibió denuncies d’estos casos nes zones del Catatumbo y na Bota Caucana, sobre too nos llaboratorios del narcotráficu y nes zones de minería, afectando a menores provenientes de Venezuela y a neñes/ os de Colombia pertenecientes a comunidaes marxinaes urbanes, llabriegues, puelos indíxenes y comunidaes negres.

Hai un incrementu alarmante del númberu de madres menores de 14 años en tol país, asociáu a violencia, abusos sexuales y carencies nos ámbitos familiar y educativu.

• Fundación Social Departamental Córdoba Controversial, “COR- DOBERXIA. Comunicáu de denuncia del 12 de febreru del 2022.
• https://www.infobae.com/america/colombia/2022/03/19/por-lo- menos-30-ninos-indigenas-en-choco-se-han-suicidado-para-evitar- ser-reclutados-por-grupos-armados/

                   Impunidá

La impunidá estructural sigue y agrávase coles denun- cies de les organizaciones de drechos humanos que señalen que’l Fiscal Xeneral FRANCISCO BARBOSA ye una pieza del presidente de la República, polo qu’esi sector de la xusticia tendría perdida al so independencia, afectando al Estáu de Drechu y ampliando la impunidá, lo que vendría a esplicar el sesgu de la investigación escontra l’ex-presidente Uribe Vélez por fraude procesal-compra de testigos, nel que la fiscalía pidió l’archivu de la causa, lo que ñegó n’abril del 2022 una xueza.

La prensa tamién reseñó’l fechu: “Un abogáu cercanu a Duque ye elexíu fiscal de Colombia. Francisco Barbosa, compañeru d’universidá del mandatariu, foi conseyeru presidencial pa los drechos humanos y asuntos internacionales”.38

Un güelpe a los drechos de les víctimes ye la decisión tomada pol fiscal de la Corte Penal Internacional de zarrar la investigación preliminar escontra Colombia por delitos graves que taba abierta dende’l 2004 por crímenes escontra la huma- nidá. Esta decisión básase nel supuestu de qu’en Colombia la xusticia ta funcionando, lo que desconoz la impunidá reinante pola falta d’investigación que determine les responsabilidaes por miles de crímenes que son competencia de la CPI.

Otru güelpe de la impunidá escontra los drechos del país a conocer la verdá y de les víctimes d’acceder a la xusticia ye la estradición, el 4 de mayu del 2022 a Estaos Xuníos, del xefe paramilitar DAIRO ÚSUGA DAVID, de nomatu Oto- niel, que taba collaborando cola XEP entregando los nomes de personaxes políticos, empresarios y altos mandos de la fuercia pública comprometíos colos carteles del narcotráficu, col paramilitarismu y con crímenes escontra la humanidá. Les víctimes quedaron cola certeza de que lu mandaron a la xusticia d’EE. XX. pa que nun cunte la verdá y pa evitar que

• https://elpais.com/internacional/2020/01/30/actuali- dad/1580403347_195296.html

                                                                                                              

siguiera dando los nomes de l’alianza ente axentes del Estáu y organizaciones narco-terroristes en Colombia.

Nun coinciden, nel tema de la impunidá, les valoraciones de la oficina de la ONX y la de les organizaciones sociales colombianes entrevistaes, pa les que nun hai voluntá na xusticia pa pescudar y sancionar los atentaos a los drechos humanos, en particular les amenaces de muerte y los asesinatos escontra persones de la dirixencia social, a la vista de que namás hebo una sentencia por más de 140 asesinatos. Pa la ONX hai avances: “L’ACNXDH valora los esfuercios realizaos pol sistema de xusticia nes investigaciones d’homicidios de persones defensores, y toma nota que, de 145 casos comunicaos pola Defensoría del Puelu nel 2021, hai 49 con avances na investigación, incluyendo una sentencia, 18 en xuiciu, 18 con orde de captura y 11 n’investigación. Destaca l’apoyu de la

(Popayán), qu’exercíen un lideralgu estudiantil y promovíen l’involucramientu de la mocedá nel exerciciu de la manifestación pacífica. Destácase l’esfuerciu d’investigar les amenaces y agresiones a traviés de l’adopción n’abril de la Resolución 0775 de la fiscalía pa la consolidación d’un grupu de trabayu que priorice la respuesta inmediata énte amenaces escontra persones defensores. Con too y con eso, persisten retos importantes p’avanzar nes investigaciones, particularmente nel ámbitu rural, derivaos del mieu de les persones a denunciar, la dificultá d’accesu por parte del Institutu de Medicina Llegal y del Cuerpu Técnicu d’Investigación, les condiciones d’inseguridá y la insufi- ciencia de personal de la fiscalía. L’ACNXDH reitera la necesidá d’identificar a los autores intelectuales y avanzar na adopción d’una política pública d’esmantelamientu d’organizaciones cri- minales, con participación de la sociedá civil”.39

Unidá Especial d’Investigación de la Fiscalía a los fiscales rexonales pa fortalecer la so capacidá na toma d’aiciones urxentes pa la investigación de casos emblemáticos, como la muerte de Lucas Villa en mayu (Pereira) y d’Esteban Mosquera n’agostu

• Situación de los drechos humanos en Colombia. Informe de l’Alta Comisionada de les Naciones Xuníes pa los Drechos Humanos, fe- breru del 2022.

La fiscalía ye apática na investigación de los ataques escontra la dirixencia social, a la que taría más interesada en persiguir. “Igualmente siguen rexistrándose les detenciones motivaes políticamente, los amagüestos y falsos positivos xudiciales escontra persones qu’exercen lideralgu social y escontra quien participen de xornaes de protesta en defensa de la vida, el territoriu, la democracia y la paz, frente a lo cual esiximos respetu al debíu procesu y llibertá inmediata de les persones que les xudicializaron por exercer el so dre- chu a la protesta pacífica”.40

7.                 Puelos indíxenes

La esclusión, l’ausencia d’inversión social del Estáu ye responsable del atentáu a drechos fundamentales de los puelos indíxenes y ye un factor decisivu que los pon al borde de la estinción física y cultural, xunto cola ocupación violenta y l’arrasamientu de los sos territorios por multinacionales mineres y del narcotráficu.

El gobiernu colombianu sigue incumpliendo la Cons- titución Política y los mandatos de la Corte Constitucional y de la Corte Interamericana de Drechos Humanos, que lu obliguen a protexer de manera efectiva de la estinción a los puelos indíxenes.

Hai puelos indíxenes, como’l kogui del Chocó, que denuncien nun tener accesu a un despachu públicu nel que poder rexistrar el nacimientu de los fíos. Munchos indíxenes n’otros territorios de Colombia nun esisten pal Estáu, porque nun tienen un documentu d’identidá.

La falta d’accesu a la salú, la educación, l’agua potable y l’alimentación ye común nos puelos embera y barí, y n’otros, como los awá, bora, embera katío, eyábida, dovida, eperara-siapidara, hitnü, jiw, kogui, koreguaje, miraña, murui-muina/uitoto, wayúu y wounaan, según l’ACNUR.

Nos departamentos del Chocó y de Córdoba la in- fancia de los puelos embera y zenú ta afectao pola desnutrición y presenta altes tases de mortalidá r enfermedaes respiratories y dixestives.

Centenares de neños indíxenes tán siendo allistaos de manera forciada polos grupos armaos narcoparamilitares ya insurrectos, ensin que les autoridaes lo impidan. Queda en manes de les organizaciones indíxenes y de les families rescatalos, esponiéndose a represalies graves.

El puelu indíxena barí denuncia tar arrequexáu pola perda violenta de los sos territorios ancestrales, procesu de desa- posiu que lleva sieglos y que s’agravó cola llegada d’empreses petroleres y colos carteles del narcotráficu qu’afaren la selva pa semar cultivos de coca. Nun tienen un puestu de salú nin una escuela en condiciones. Hai paludismu, tuberculosis, neumonía y otres enfermedaes qu’afecten de manera especial a la infancia y a les persones mayores.

L’incumplimientu del Alcuerdu de Paz afecta a los barí, que denuncien l’incrementu del área semada de cultivos d’usu illegal y l’ausencia de proyectos productivos de sustitución, agravao pola falta d’ampliación y saniamientu del resguardu indíxena barí. El so territoriu ta interveníu polos grupos armaos, como’l Frente 33 de les disidencies de les FARC, l’ELN, l’EPL, les BACRIM (bandes criminales), los paramilitares del narcotráficu n’alianza cola fuercia pú- blica, exércitu y policía. Según les denuncies recibíes toos se mueven pol interés nel petroleu, la coca, el carbón, les tierres, la madera, y por controlar la zona de la frontera con Venezuela y los negocios illegales de trata de persones con fines d’esplotación sexual y llaboral.

El puelu barí padez les consecuencies del conflictu ar- máu dientro del so territoriu. Los barí de Venezuela tán siendo allistaos por guerrilles y paramilitares colombianos rompiendo la so neutralidá na guerra. Hai acosos, bom- bardeos y combates. Hai munchos campos minaos, lo qu’afecta sobre too a les muyeres, que s’encarguen de recoyer los alimentos na selva y nes güertes. Nun puen salir a pañar pol mieu a les mines, impíden-yos buscar alimentu, nun puen salir a pescar nin visitar los sitios sagraos; hai comunidaes confinaes o sometíes a bloqueos alimentarios dientro del so territoriu.

“Los barí somos un puelu binacional. En Venezuela hai 49 comunidaes barí, son más allá qu’equí. Los barí de Ve- nezuela lleguen esllarigaos, pero’l gobiernu colombianu nun los reconoz como indíxenes, sinón como inmigrantes, y nun tán censaos, nun tienen accesu a salú, nin a la educación. Otres persones d’otros puelos lleguen a raspar coca, como los wayúu y los yukpas, que nun tienen documentu d’identidá y cuerren el riesgu de que los declararen apátrides”.41

Les empreses mineres del carbón nun cumplen cola consulta previa a los indíxenes. Cuando’l gobiernu consulta failo coles xuntes d’aición comunal del campesináu, pero non colos puelos indíxenes, xenerando divisiones y enfren- tamientos que son útiles pa los propósitos de les empreses estractives.

                  Drechos económicos, sociales, culturales, y ambientales

La probitú y la probitú estrema en Colombia agraváronse cola falta de polítiques públiques redistributives, cola escalada del gastu militar y de la delda esterna, col nue- vu ciclu de violencia, cola pandemia y col incrementu del trabayu informal, qu’afecta al 49% de la población ocupao. L’incrementu de la desigualdá, el desemplegu, la probitú, la inflación, la falta d’accesu a servicios esenciales po- les privatizaciones y la carestía nos bienes básicos tán sumiendo a millones de persones nuna situación desesperada, que yá dio un avisu nel españíu social del 2021.

Colombia apaez nes previsiones de la FAO como un país con riesgu de fame nel medianu plazu. De fechu, yá se rexistren casos de muerte infantil por desnutrición en comunidaes indíxenes del Chocó y de La Guajira.

La probitú tien un altu componente racial y de xéneru.

Conclusiones

En Colombia agudizáronse’l conflictu social, el con- flictu armáu internu y los ataques graves a los drechos humanos.

El gobiernu colombianu ta incumpliendo l’Alcuerdu de Paz que l’Estáu firmó coles FARC fai cinco años y ta xenerando un ciclu nuevu de violencia escontra la dirixencia social y escontra les comunidaes rurales.

La movilización social nun alcuentra calces de diálogu nin soluciones, al optar el gobiernu pela vía de la represión policial y xudicial con resultáu de graves ataques a los drechos humanos.

Los cultivos de coca tán espardiéndose col paramilita- rismu. El gobiernu incumplió los planes de desañiciu vo-

                                                                                                                   

luntariu y colos proyectos productivos de medianu y llargu plazu.Col narcotráficu crez la corrupción, la violencia, la impunidá y la perda de credibilidá de la población nes instituciones.

Volvieron a Colombia les execuciones estraxudiciales, l’esllarigamientu forciáu, l’allistamientu de menores, les masacres y agudizóse la persecución a muerte escontra la dirixencia social y escontra les persones firmantes del Alcuerdu de Paz.

Crez la deforestación d’árees de selva pa semar coca. Nun hai garantíes pa la oposición política.

Nun hai control sobre los recursos de la cooperación internacional destinaos al desarrollu del Alcuerdu de Paz.

El ciclu nuevu de violencia ye funcional pa los planes de les multinacionales mineres y del narcotráficu, al someter a les poblaciones y aumentar el control armáu sobre los territorios.

Munches organizaciones sociales tán puestes al borde del esterminiu pola persecución escontra les sos bases, activistes y dirixentes.

En toles rexones visitaes, ensin escepción, recibimos denuncies de convivencia de la fuercia pública colos grupos dedicaos al narcotráficu, y un agravamientu de les violen- cies escontra les muyeres.

Deterioru del Estáu de Drechu pola perda d’independencia de los poderes públicos en favor del exe- cutivu.

Graves intromisiones n’asuntos internos de Colombia por axentes militares de los Estaos Xuníos con influyencia sobre too nes árees de frontera con Venezuela.

Los puelos indíxenes tán siendo llevaos al borde de la estinción.

                                 

Recomendaciones Al gobiernu de Colombia:

Acelerar el cumplimientu del Alcuerdu de Paz coles FARC y facilitar un alcuerdu humanitariu col ELN.

Avanzar na titulación de les tierres a les families llabradores establecíes n’árees de colonización; cumplir los compromisos firmaos colos puelos indíxenes y les comunidaes negres en rellación cola ampliación y saniamientu de los territorios ancestrales y colectivos.

Esmantelar el paramilitarismu y les sos redes d’apoyu.

Dotar de poder vinculante a les Alertes Tempranes de la Defensoría del Puelu.

Fortalecer la capacidá del Estáu d’intervenir en favor de les muyeres y de les neñes sometíes a violencies.

Escontarmar l’ESMAD, reformar l’exércitu y la po- licía que, amás, tien de salir del Ministeriu de Defensa pa depender del Ministeriu del Interior.

Apoyar el Sistema Integral de Verdá, Xusticia, Repara- ción y Non Repetición.

A la Xunión Europea:

Auditar los recursos de cooperación qu’aporta pal de- sarrollu del Alcuerdu de Paz.

Aplicar les cláusules de drechos humanos conteníes nos alcuerdos de comerciu firmaos con Colombia.

Al gobiernu d’España y d’Asturies

Incidir de manera efectiva na busca de diálogu y solución negociada al conflictu armáu internu.

Priorizar la cooperación coles organizaciones sociales pa evitar que s’estingan por mieu.

Fortalecer el Programa Asturianu d’Atención a Víctimes de la Violencia en Colombia.

Instituciones entrevistaes

Entrevista cola embaxada d’España

Entrevista cola Misión de Verificación de la ONX en Colombia

Acompañamientu y entrevista de la Misión d’Apoyu a la Paz, MAP/OEA

Secretariu Departamental de Víctimes del Norte de Santander

Comandu de Policía de Córdoba

Defensor del Puelu nel departamentu de Córdoba Secretaría d’Interior y de Participación Ciudadana del departamentu de Córdoba

Oficina de paz de la Universidá de l’Amazonía ONX-DDHH Cúcuta

Secretariu gobiernu conceyu Tierralta

ASOAIBA, Asociación d’Indíxenes Ancestrales del Baxu Atrato

ASOCECA Riosucio

Asociación Llabriega de la finca La Europa Asociación d’Esllarigaos del Catatumbo

Asociación de Muyeres Trunfadores del Catatumbo Asociación de Muyeres Víctimes de Tibú y La Gabarra Asociación de Productores de Piña de Piamonte Asociación de Trabayadores Llabriegos de Curillo Asociación de Víctimes de la Unión Patriótica del Catatumbo

Asociación Indíxena del altu ríu Caquetá Asocomunal Montelíbano ASOCOMUNAL Piamonte

ASOJER, Asociación Moza y Estudiantil Rexonal ASOJUNTAS Saravena, Asociación Municipal de Xuntes

d’Aición Comunal

ASONALCA, Asociación Nacional Llabriega José Antonio Galán Zorro

ASONAM, Asociación Nacional de Muyeres ASOVICHENGUE

Organizaciones entrevistaes

Autoridaes zenú San Andrés de Sotavento Cabildru Cerro Grande de Puerto Guzmán

ACAMURI, Asociación Llabriega del conceyu de Riosucio ACEU, Asociación Colombiana d’Estudiantes Universitarios ACOMPAZ

Alianza pola Xuventú de Sucre

AMAR, Amanecer de Muyeres d’Arauca

Amigos de la Comunidá de Paz de San José de Apartadó ANDAS, Asociación Nacional d’Ayuda Solidaria

ANUC Ovejas, Asociación Nacional d’Usuarios Llabradores ANZORC, Asociación de Zones de Reserva Llabriega ASEDAR, Asociación d’Educadores d’Arauca ASINTRACAMPIC, Asociación Municipal Llabriega de Trabayadores de Piamonte, Cauca

ASOAGRA, Asociación d’Agricultores de Granada, Meta

Cabildru indíxena Sindagua, Piamonte

CAJAR, Colectivu d’Abogaos José Alvear Restrepo Casa de la Memoria El Ponche, Montes de María Colectiva Pata Pelá

Colectivu de Defensa del Agua y de la Vida del área andino-amazónica

Colectivu de Defensores del Agua y del Territoriu, Putumayo

Colectivu Inconformidá Xuvenil Comunidá de Paz de San José Apartadó

Comunidá embera dovida de Peña Blanca

Comunidá Galapa zenú MamaPacha

Comunidá Jagual d’emberes dovida.

Comunidá Pichindé, embera dovida

Comunidá Quiparadó, embera dovida

Comunidaes del puelu indíxena barí. Brubukanina, Chubakbarina, Asabarikaira, Yosa, Okbabuda,

Conseyería Departamental de Mocedá del Putumayo, representante

Conseyu Comunitariu Rincón del Mar Sucre Conseyu de Paz d’Arauca

Conseyu departamental de Paz, Sucre

Conseyu Municipal de Mocedá de Piamonte, representante Coordinación de la Mesa de Víctimes d’Arauca Coordinación Guardia Llabriega de Puerto Guzmán, Putumayo

CORDOBERXIA, Fundación Social Córdoba Controversial

CORDOSAC,          Coordinadora                         Departamental d’Organizaciones Sociales, Ambientales y Llabriegues del Caquetá

Corporación Desarrollu y Paz Montes de María y Canal Dique

CPDH, Comité Permanente pola Defensa de los Drechos Humanos, secciones Arauca, Córdoba, Sucre y Norte de Santander

CUT Arauca, Central Unitaria de Trabayadores

DANTA, Defensa del Agua, la Naturaleza, y el Territoriu d’Arauca

Drechos Humanos del puelu nasa

ECAAAS, Empresa Comunitaria d’Acueductu, Cantare- lláu y Aséu de Saravena

Federación de Xuntes d’Aición Comunal

FENSUAGRO, Federación Sindical Unitaria Agropecuaria Finca La Europa, Montes de María, Ovejas, Sucre

Fondu Memoria, Tierralta

FORDH, Fundación Observatoriu de los Drechos Huma- nos d’Arauca

FUNAVI, Fundación Nacional de Víctimes Fundación Comité de Solidaridá colos Presos Políticos Fundación Cordoberxia

Fundación de Drechos Humanos Joel Sierra Fundación Pro Muyer Araucana

Guardia indíxena barí, Isthana Vadao Biyiyivay

Guardianes de la Naturaleza del puelu indíxena embera dóbida, Uramia

Instancia d’Altu Nivel de Desarrollo del Alcuerdu de Paz en Territorios Indíxenes

Intigrillos

Xunta d’Aición Comunal asentamientu El Paraíso, Tibú UXSTAPAZ

Mocedá independiente MJI Sincelejo

Mocedá Indíxena de Colombia JUVIC

Las Teresitas, Truandó mediu

Madres del Catatumbo

                                                                                       

Marcha Patriótica baxa Bota Caucana y Putumayo

Mesa de Diálogu del Caguán y Sur del Meta

Mesa de Participación de Víctimes de Tibú

Mesa Departamental de Drechos Humanos, Defensa del Agua y del Territoriu

Mesa Víctimes Tierralta MOVICE San Onofre

MOVICE, Movimientu de Víctimes de Crímenes d’Estáu

Movimientu Social y Políticu de Mases del Nororiente

Nodu Rede muyeres chocoanes

Observatoriu DDHH Sur de Córdoba

ONIC, Organización Nacional Indíxena de Colombia

OPIAC Drechos Humanos, Organización Nacional de los

Puelos Indíxenes de l’Amazonía Colombiana.

Puelu indíxena nasa

Rede de Defensores de Drechos Humanos,

Diálogu de Convivencia pola Paz, DIACOMPAZ

Rede de Drechos Humanos del Putumayo y Sucumbíos

Rede de Muyeres de Córdoba

Rede PROPAZ Semando Paz, Sucre

SINDEAGRO, Sindicatu de pequeños y medianos productores agropecuarios del departamentu d’Arauca

SINDEP, Sindicatu de la Defensoría del Puelu

Sindicatu de Trabayadores d’Obres Civiles y de la Construcción

URAMIA (guardianes del territoriu embera dovida)

Collación Porvenir

Collaciones Consolata, Samaritana, Piamonte

Collaciones Piamonte, Yacurá, Los Almendros, El Morro, Nueva Esperanza