chalanes de llibertá

Pandereteres d´El Remediu... cantáron-y a la Flotilla en Xixón.

Manifestación pol fin del bloquéu a Gaza from Soldepaz Pachakuti on Vimeo.



Nun ye que sía un desastre,
catástrofe natural,
décades d’ocupación,
ocupación illegal.
 
Mirái, ye Gaza, resiste
once años de bloquéu.
Nun digáis que nun lo visteis,
sábenlo hasta n’Uviéu.
 
Yera na más una neña,
nun la llames terrorista.
Na so manina una piedra,
los sos güeyos yá ensin vida.
 
La flotilla a la mar,
chalanes de llibertá.
Empobínenles a Gaza,
busquen puertu y dignidá.
 
Dieciséis años tenía,
Ahed Tamimi foi presa.
Escontra l’artillería,
la so cara descubierta.
 
De qué proporción me fales
una bala siempre mata.
Si una muria equí me llantes
lo que toca ye valtala.
 
Papel moyao tien la ONU
Palestina sigue igual.
Esti silenciu inhumanu
Gaza nun lo aguanta más.
 
La flotilla a la mar,
chalanes de llibertá.
Empobínenles a Gaza,
busquen puertu y dignidá.

La lletra del cantar ye de Bea Redondo. Les pandereteres, son les del Remediu.