PROGRAMA

Nel mes de payares, con presencia y protagonismu de muyeres representantes de movimientos populares de Llatinoamérica y tratando de sensibilizar a la población asturiana de los retos, avances y conquistes de los movimientos sociales d’aquel continente.

Son esos movimientos diversos, potentes, consecuentes y activos, los que favorecieron cambeos tamién significativos nos gobiernos de varios países, entamando aiciones programátiques y de cambeos, que tán xenerando enfotos y esperances p’afrontar con rigor el tratamientu de la grave desigualdá ya inequidá.

La situación de los países del Sur negóse bien de vegaes a la sociedá del norte, o simplemente desdibuxóse por causa los intereses económicos de grandes empreses multinacionales o de países concretos.

El fechu de sensibilizar, informando y acercando a la xente d’Asturies la situación concreta de la forma de vida de persones y organizaciones sociales d’América va favorecer l’intercambiu d’esperiencies y la creación de redes de solidaridá y aición frente a les inxusticies sociales y económiques que determinen el sistema imperante.

 Ente los oxetivos preténdese:

- Treslladar testimonios, investigaciones y trabayu de movimientos populares del SUR.

- Fortalecer víes de participación ya intercambiu ente les diferentes cultures y organizaciones.

- Favorecer comunicación ya intercambiu ente coleutivos d’Asturies, del Estáu y d’América Llatina.

- Asegurar propuestes y compromisos de futuru ente organizaciones, asociaciones, coleutivos d’Asturies, y organizaciones populares de Llatinoamérica.

- Articular recomendaciones esenciales qu’orienten la solidaridá y cooperación dende la contribución al respetu a los DDHH, la defensa del mediu ambiente y l’aniciu de cambios estructurales pa voltiar la inxusticia.

- Acompañar les aiciones de los movimientos sociales, y les sos movilizaciones en marcha pa construyir otra realidá, la del meyor-tar.

Y más especificamente:

- Contribuyir a sensibilizar a diferentes sectores de la sociedá asturiana en temes rellacionaos coles propuestes sociales (independencia, soberanía, autodetermín, unidá de naciones, etc) nos ámbitos sociales, educativos, políticos, económicos.

- Ayudar a sensibilizar a la sociedá asturiana en temes referíos al medioambiente y la riqueza en biodiversidá d’América Llatina.

- Incidir nel aumentu d’información sobre procesos sociales novedosos n’América con protagonismu de muyeres.

- Contribuyir a posibilitar l’intercambiu y la reflexón alredor de les esperiencies personales y organizatives de pueblos d’América Llatina en rellación cola llucha pola soberanía nacional.

- Favorecer que s’espardan propuestes y formulaciones que s’empobinen a la defensa del drechu a l’alimentación, la salú, la educación, la cultura propia.

- Asistir nel establecimientu de mecanismos de comunicación ya intercambiu que favorezan la implicación de la cooperación asturiana colos procesos diversos d’aumentu de la integración y unidá ente pueblos y naciones.

 Programa:

Viernes 9 de noviembre

18:30 h.: Inauguración

Primer Mesa: Muyeres nos movimientos populares xorrecientes: ye tiempu de llevantar banderes, non d’arriales.

Sábado 10 de noviembre

10:00 h.: Segunda Mesa: Rellaciones complexes gobiernos progresistes-movimientos populares.

12:00 h.: Pausa Café

12:15 h.: Tercer Mesa: L’etno-clasismu y el trunfu popular en Llatinoamérica.

14:00 h.: Pausa almuerzo

16:30 h.: Proyección audiovisual.

16:45 h.: Cuarta Mesa: Nueves rellaciones de les muyeres nos movimientos populares, h.ip-h.op, piqueteros, llucha contra la impunidá, misiones de salú y educación.

19:00 h.: Clausura, conclusiones y fin de jornadas

20:00 h.: Espicha

 Muyeres participantes:

Itelvina Mascioli - Dende’l MST del Brasil
Dominica Quilapi - Dende Chile (Anamuri)
Narda Baqueros - Sindicato de productoras de castañas desde el Beni - Bolivia
Carmen Morente - Coordinadora Bolivariana de Mujeres
Gloria Berrocal - Periodista española
Aurora González - Fensuagro - Colombia
Gloria Bermúdez - ACEU (estudiantes universitarios-as) Colombia
Gloria Mansilla - Comadheco - Colombia